Gjoka e Starova njëzëri: Barazimi ishte i drejtë
Trajneri i Kukësit ka peng shtyllën e Eminit, ndërsa golin e anuluar nuk e bën aspak dramë Dy trajnerët janë dakord me rezultatin e ndeshjes
Pas barazimit që Kukë si mori ndaj Partizan it ditën e djeshme, trajneri Ernest Gjoka për emisionin "Gol pas Goli" u shpreh i kënaqur, ndonëse mendon se mund të kishte marrë diçka më shumë. "Ndeshje shumë e mirë, i pati të gjitha komponentët e futbollit, ndaj deri diku jemi të kënaqur. Mendoj se sidomos në pjesën e dytë, nga minuta e 70- të deri në të 90- ën, krijuam raste e lojë dhe duhej të ishim më të qetë, sepse i kishim mundësitë të fitonim. Megjithatë, tensioni ishte i madh dhe rëndësia e takimit shumë e madhe. Goli i anuluar për pozicion jashtë loje i Eminit? Pak rëndësi ka tani nëse ishte apo jo pozicion jashtë loje, sepse nuk kthejmë dot gjë pas. Sulmi nuk ka probleme, kemi punuar mirë, edhe mesfusha krijoi shumë volum loje e raste, por është edhe çështje fati. Partizani ishte shumë i rrezikshëm në sulm, por zgjodhëm vetë që të mos përforcoheshim në fazën mbrojtëse, duke rrezikuar. Nuk më interesonte të mbroja barazimin, ndaj rrezikuam me shpresën se do të merrnim 3 pikët. Skënderbeu me pikë të barabarta? "Asnjë problem, kemi qenë edhe më parë pas Skënderbeut ose me pikë të barabarta. Ka ende shumë ndeshje, është herët për të parë renditjen." Duket se barazimi në fushën e Kukësit e ka kënaqur Sulejman Starovën. Pas ndeshjes, trajneri i Partizanit për emisionin "Gol pas Goli" u shpreh: "Ishte një ndeshje që i kishte të tria rezultatet. Ne i patëm rastet tona, ndërsa Kukësi na vuri në vështirësi sipas mënyrës së vet. Për mënyrën si shkoi loja, mendoj se barazimi ishte rezultati më i drejtë. Problemet në mbrojtje? Mendoj se vjen si rezultat i terrenit, specifikës së ndeshjes dhe tensionit. Presioni i renditjes dhe nevoja për pikë bëjnë që të mos jemi plotësisht të qetë në prapavijë. Skemat i kishim përgatitur në mënyrë që lojtarët të ishin afër njëri- tjetrit, pasi kjo fushë ka përmasa më të vogla. Sot ( dje) ishte situatë e veçantë, nuk ishte e duhura për të vlerësuar. Të gjithë lojtarët janë stërvitur mirë dhe përpiqen të japin maksimumin".