Shpëtim Duro: Mund të fitonim, na ndikuan mungesat
Pika
e marrë ndaj Tiranës nuk e ka kënaqur plotësisht Shpëtim Duron. Pas barazimit, trajneri i Flamurtarit u shpreh se skuadra e tij mund ta fitonte ndeshjen. Ja deklarata e tij për emisionin "Gol pas Goli". "Mundësitë për fitore ishin të shumta, edhe sot, edhe ndaj Teutës. Kemi luajtur një ndeshje të mirë, kemi krijuar shumë situata për shënim, por na mungon shumë Bushiç, si pikë referimi në sulm, por edhe Shkodra, një lojtar shumë i rëndësishëm në mesfushë, apo Berisha, Radoviç e disa lojtarë të tjerë. Gjithsesi, duke parë momentin, edhe barazimi në Tiranë është rezultat pozitiv për ne."