U përplasën me policinë, procedohen dy tifozë të kuq

Nuk

ka kaluar pa masa momenti i tensionit në ndeshjen mes Kukësit dhe Partizanit, ku policia u përball me mbështetësit e kuq. Dy prej tyre kanë përfunduar në listën e zezë të forcave të rendit, të cilat kanë nisur procedim penal ndaj tifozëve të Partizanit. A. M., 37 vjeç dhe E. C., 29 vjeç, të dy banues në Tiranë, akuzohen për veprën "Shkatërrim të pronës", për akte vandalizmi gjatë ndeshjes Kukësi- Partizani. Sipas "Balkanweb", dy tifozët në fjalë, akuzohen se kanë thyer disa stola në stadiumin e Kukësit dhe xhamat e një automjeti jashtë tij. Dosja ka kaluar për procedim në Prokurorinë e Rrethit Gjyqësor Kukës, ndërsa ata do të procedohen penalisht në gjendje të lirë.