Përpjekjet e fundit të Nikola Gruevskit
VMRO- DPMNE- ja, partia që ka mbajtur pushtetin në Maqedoni për dhjetë vjet, ka ftuar të gjitha organet partiake nëpër qytete për mobilizim në mbrojtje të, siç thuhet, Kushtetutës dhe karakterit unitar të shtetit. Në shumë qytete ka pasur tubime, ku ithtarë të partisë së Nikolla Gruevskit kanë kundërshtuar ashpër marrëveshjen mes LSDM- së dhe BDI- së lidhur me draft- ligjin për gjuhën shqipe. Protesta janë paralajmëruar edhe në ditët e ardhshme. Njohësit e çështjeve politike thonë se gjendja mund të përkeqësohet, pasi, sipas tyre, qëllimi i Gruevskit më tepër është mbrojtja e vetes dhe njerëzve të afërt rreth tij, sesa kundërshtimi i gjuhës shqipe. Pero Dimshoski, ish- zyrtar i qeverisë, ka thënë për "Radion Evropa e Lirë" se VMRO- DPMNE- ja kompromise të ngjashme me BDI- në ka bërë edhe në të kaluarën, si për gjuhën, mënyrën e funksionimit të qeverisë, mbylljen e rasteve të Hagës e shumë çështje të tjera, por asnjëherë nuk e ka ngritur zërin si tani.