Reforma, Rama: Opozita mbron gjyqtarët e korruptuar
Vetingu, kryeministri: PD nuk shfrytëzon mundësinë që i jep Kushtetuta "Po bllokojnë qëllimisht vetingun"
Kryeministri Edi Rama akuzoi dje në Kuvend se opozita po mbron interesat e gjyqtarëve të korruptuar, duke bllokuar procesin e vetingut. Sipas tij, opozita e ka braktisur Parlamentin dhe ka zbritur në çadrën e protestës vetëm me një qëllim, bllokimin e reformës në drejtësi. Sipas Ramës, PD- në dhe gjyqësorin i lidh mëkati. "Ata nuk e duan vetingun, sepse lidhjet e tyre me pushtetin gjyqësor janë lidhje në mëkat. Humbja e tyre është ekspozim përballë mëkateve. S'ka asnjë mundësi tjetër për të arsyetuar këtë mungesë, kur e gjithë retorika e tyre lidhet me krimin, drogën dhe për të arsyetuar faktin që ata po humbasin mundësinë që kanë për të përzgjedhur 50% të anëtarëve të komisioneve të vetingut. Nuk e shfrytëzojnë mundësinë që iu ka dhënë Kushtetuta. Kush i përjashtoi dhe kush i detyroi të thonë jo? Lufta kundër krimit dhe drogës thonë ata s'kanë lidhje me drogën, krimin, gjykatat e prokurorët, s'ka lidhje me vetingun, por ka lidhje me qeverinë. Ku ka lidhje?", deklaroi Rama. Në një situatë të tillë, z. Rama siguroi se mazhoranca është e vendosur t'i hapë rrugë vetingut, ndonëse opozita prej dy javësh mungon në Parlament, por e ka zhvendosur atë të fundit në çadrën e protestës, shndërruar tashmë sipas demokratëve, në Parlamentin e qytetarëve. Për kryeministrin, pallati i drejtësisë duhet të pastrohet sa më parë, si e vetmja mundësi për t'u hapur rrugë reformave dhe zhvillimit ekonomik të vendit. "Këtë aleancë nuk e lëkund asnjë gozhdë. Jemi të vendosur. 90% e shqiptarëve e duan vetingun. Reforma dhe vetingu janë kyçe në funksion të ekonomisë dhe punësimit. Nëse siguria juridike nuk është 100%, nuk ka asnjë grup investitorësh që vjen të investojë 1 mln dollarë në turizëm, për komplekse me 5 yje. Vetëm vetingu u hap rrugë këtyre investimeve. Vetingu bën një ndarje me thikë brenda për brenda sistemit të drejtësisë. Kush përzihet në krime, jep llogari për krimet. Kush kalon testin, të shërbejë në bazë të Kushtetutës dhe Z. Rama iu përgjigj deputetit Ben Blushi me vendosmërinë për të çuar më para reformat, sidomos atë në drejtësi. Duke iu referuar shprehjes së Blushit "O burra, o trima, hoqët gozhdën, ngeli vrima", Rama tha se këtë vendosmëri nuk e lëkund dot "as një gozhdë dhe as një vrimë".
ligjeve", theksoi kreu i qeverisë. Z. Rama shprehu një qëndrim edhe për deklaratat e bëra nga opozita në ditët e protestës. "Janë konsum i kohës dhe mënyrë për të siguruar një vend pune këtu në Parlament", tha Rama. Gjatë fjalës së tij në Parlament, kreu i qeverisë foli edhe protestën e banorëve të Zharrëzës, që sipas tij u përdor nga segmente me
interesa politike. "Përtej retorikave dhe shfaqjeve, që janë qëllime të ulëta, problemin e trajtoi kjo qeveri. Kjo qeveri që ndaloi injektimet e ujit teknologjik që fundvitin e shkuar, sapo u shfaq problemi. Aty nuk ka që nga fundviti i shkuar injektime. Disa tutorë politikë dhe aktivistë me demek, që vijnë nga skandali i korrupsionit dhe zullumeve në in- dustrinë e naftës, morën peng atje 7 vetë dhe nuk i linin të iknin. Mua më thoshin fol me avokatin e tyre. Me kë avokat? Avokatin tutor që i mori zvarrë deri në Tiranë? Ishte një mizanskenë e ngritur mbi një hall të madh dhe me njerëz me plot të drejtë të dëshpëruar", tha z. Rama. Por, zgjidhja që iu dha për dëmshpërblim me vendim të Këshillit të Ministrave, kryeministri deklaroi se është zgjidhja që vetëm një qeveri si ajo që ai drejton e një aleancë si kjo që po qeveris, mund t'ua japë qytetarëve që sipas tij, mirënjohjen do ta dëshmojnë me votën e 18 qershorit.