Ali Ahmeti: Ivanov rrezikon përplasje etnike
Pas takimit me Mogherinin, kreu i BDI- së zbut tonet: Prioritet, sundimi i së drejtës dhe shteti ligjor "Synojmë përmbylljen e Marrëveshjes së Ohrit"
Refuzimi i presidentit maqedonas, Gjorge Ivanov për të pranuar platformën e shqiptarëve dhe "zyrtarizimin" e gjuhës shqipe ka irrituar jo pak situatën në shtetin fqinj. Vendimi i tij, jo vetëm që thelloi krizën politike në vend, por edhe nxiti "urrejtjen" mes maqedonasve dhe shqiptarëve. Të tillë e ka interpretuar edhe kryetari i BDIsë, partisë më të madhe shqiptare në Maqedoni, Ali Ahmeti, i cili e ka paralajmëruar presidentin Ivanov se rrezikon një përplasje ndëretnike. Sipas Ahmetit, vendimi i presidentit për të bllokuar formimin e qeverisë mes BDIsë dhe LSMD- së vetëm për të mos pranuar barazinë e gjuhës shqipe mund të çojë në përplasje ndëretnike. Më tej, kreu i BDI- së ka rrëzuar akuzat e Gjorge Ivanov dhe Gruevskit, teksa ka shpjeguar se platforma për gjuhën shqipe është hartuar mes partive shqiptare në Shkup dhe është pjesë e programeve të tyre elektorale, ndaj Tirana zyrtare nuk ka asnjë lidhje me këtë. "Qysh para zgjedhjeve të vitit të kaluar, ftova partitë opozitare shqiptare që të bashkohen, në mënyrë që mos të humbasin shqiptarët nga përçarja e madhe e votave. Kjo nuk ndodhi dhe shqiptarët humbën 9 mandate deputetësh në Kuvendin e Maqedonisë. Më pas, si fitues i zgjedhjeve dhe drejtues i partisë më të madhe shqiptare, kam ftuar partitë parlamentare shqiptare në takim të përbashkët në Shkup për të bashkërenduar axhendën tonë për rrumbullakësim të Marrëveshjes së Ohrit dhe arritjen e barazisë", - ka thënë Ahmeti. Më tej ai ka shpjeguar se në këtë takim në Shkup, shqiptarët arritën të harmonizojnë qëndrimet rreth pritshmërive të tyre, dhe këtë e ka thënë në çdo prononcim publik. "Deklara- ta e përbashkët e partive parlamentare shqiptare të Maqedonisë është dakorduar dhe shkruar në Shkup, dhe për bazë ka programet zgjedhore të të gjithë garuesve shqiptarë në zgjedhjet e 11 dhjetorit. Partitë shqiptare nuk ishin shkas për krizën sistemore në vend dhe, duke pasur këtë parasysh, ftoj partitë politike shqiptare që të përmbahen nga të shndërruarit të krizës sistemore dhe brendaetnike në një përplasje ndëretnike midis dy komuniteteve shumicë të këtij vendi", - pohon kreu i BDI- së në deklaratën e tij. Ali Ahmeti ka ftuar gjithashtu partitë politike maqedonase që të përmbahen në shprehjen e pakënaqësisë së tyre nga implikimi i elementit ndëretnik për arsye të ndjeshmërisë së shoqërisë së tyre. "Juve të Kreu i BDI- së, ka hedhur poshtë akuzat e presidentit Gjorge Ivanov dhe të Gruevskit se platforma e paraqitur nga partitë shqiptare në Maqedoni është hartuar në Tiranë. Ai ka thënë se takimi i partive shqiptare është kryer në Shkup me dëshirën për të zbatuar Marrëveshjen e Ohrit.
nderuar qytetar, ju ftoj që të ruani gjakftohtësinë dhe të mos lejojmë që asnjëri nga ne të bjerë pre e skenarëve dashakeqë që kanë origjinë adresa të dyshimta për ne. Ky është një problem politik dhe partitë politike si dhe institucionet e vendit do të gjejnë zgjidhjen më të mirë për qytetarët, por ndërkohë, të besojmë bashkërisht të vërtetën e jo trillimin", - u shpreh ai. Por, qëndrimi i kryetarit të BDI- së pati tone të tjera pas takimit me përfaqësuesen e lartë e BE- së për Politikën e Jashtme dhe Sigurinë, Federica Mogherini. Në një deklaratë të publikuar në rrjetet sociale, Ali Ahmeti ka theksuar se kriza institucionale nuk guxon të kthehet në krizë ndëretnike. Ai tha se në këto 16 vite kanë punuar bashkë me BE- në, NATO- n dhe Shtetet e Bashkuara, ndaj dhe çdo arritje është e përbashkët. "Ne kemi qenë, jemi dhe do mbetemi partnerë të komunitetit ndërkombëtar. Kriza institucionale dhe ajo e sistemit nuk guxon të kthehet në krizë ndëretnike. Ne do të mbetemi të përkushtuar për të arritur një zgjidhje politike", - ka thënë Ahmeti në deklaratën e tij të dytë. Kryetari i BDI- së shtoi se prioritete mbeten sundimi i së drejtës, shteti ligjor, institucionet e besueshme, përmbyllja e Marrëveshjes së Ohrit, marrëdhëniet e mira ndëretnike dhe ndërfqinjësore, si dhe integrimi në NATO dhe BE.