Sigurimi i makinave, bordi i AMF kërkon shkarkimin e Shehit
Erjon Braçe dhe Enkelejda Shehi, debate të forta në Komisionin e Ekonomisë Bushati: Kërkoj shkarkimin për paaftësi, solli pasoja të rënda
Amullia e krijuar në tregun e sigurimeve, përgjegjës për rregullimin e të cilit është Autoriteti i Mbikëqyrjes Financave, është zhvendosur në parlament. Komisioni parlamentar i Ekonomisë realizoi një seancë dëgjimore në lidhje me kërkesën e Bordit të Autoritetit të Mbikëqyrjes Financiare për shkarkimin nga detyra të drejtoreshës ekzekutive, Enkelejda Shehi. Gjatë kësaj seance, komisioni dëgjoi të dyja palët, përfaqësinë e bordit, si dhe deputetin relator të çështjes, Ervin Bushati. Seanca u shoqërua nga debate të forta, ndërsa pritet që të dilet me një relacion të plotë në lidhje me argumentimet e bordit. "Propozoj shkarkimin e zonjës Shehi nga posti i drejtoreshës dhe anëtares së bordit për paaftësi profesionale dhe neglizhencë, që kanë sjellë pasoja të rënda", - deklaroi Bushati. Gjatë fjalës së saj në komision, drejtoresha e përgjithshme ekzekutive, Enkelejda Shehi deklaroi se ky është një vendim i dirigjuar politikisht, pasi nuk ka pasur abuzime apo shkelje të ligjit nga ana e saj. Shehi mohoi akuzat e ngritura, duke u shprehur se shkarkimi i saj është dirigjuar nga kryetari i bordit, Pajtim Melani, dhe kryetari i Komision- it të Ekonomisë, Erjon Braçe. Ajo e barazoi këtë seancë dëgjimore me atë të një gjyqi të kohës së diktaturës.
KËRKESA E BORDIT
Bordi drejtues i AMF- së, në fund të muajit shkurt depozitoi pranë këtij komisioni shkresën ku kërkohej lirimi nga detyra i znj. Shehi, duke sjellë edhe argumentet që kryesisht kishin të bënin me shkelje të rregullave, por edhe me moszbatimin e rekomandimeve të Kuvendit për tregjet që kontrollohen nga ky institucion, veçanërisht ai i sigurimeve. Bordi ka vërejtur edhe raste të konfliktit të interesit të znj. Shehi, e cila ka bërë emërime nepotike, siç është rasti i znj. Basha në postin e Drejtores së Shërbimeve të Brendshme, apo edhe i znj. Lofca, si ish- anëtare e Këshillit Mbikëqyrës të Ansig, siç janë tregues të qartë të shkel- jes së ligjit dhe uzurpimit të institucionit nga Drejtori i Përgjithshëm Ekzekutiv. "Në mënyrë sistematike, Shehi pengon funksionimin normal të mbledhjes së bordit nëpërmjet adoptimit të një sjelljeje joetike dhe jozyrtare, të shoqëruar me komunikim të dhunshëm verbal dhe fjalor të pahijshëm. Kjo sjellje është pjesë e veprimtarive të Shehit për të mos lejuar bordin që të ushtrojë funksionet e veta. Kjo është lehtësisht e verifikueshme dhe mund të shqyrtohet në minutat e mbledhjeve të bordit që janë regjistruar elektronikisht. Bordi në vijimësi është
Unë personalisht e firmosa vendimin për miratimin e kësaj rregulloreje, por pikërisht ky e prishi planin, edhe të kryetarit të bordit, plan i komanduar dhe i dirigjuar këtu. Nga ju personalisht.
Nga unë? Unë veproj vetëm mbi bazën e shkresave. Vazhdojeni atë që keni nisur kundër meje, por në qoftë se nuk keni asnjë shkresë dhe as një firmë, ju lutem shumë, kursejeni. Kështu që, nuk lejoj që të vini në diskutim zgjedhjet që ka bërë ky Kuvend. Këtë punën e gjyqit të komunizmit merreni mbrapsht. Është e papranueshme që cilido nga funksionarët e këtij Kuvendi, funksionarë civilë, të marrë përsipër të argumentojë ligjin, Kushtetutën, të marrë përsipër të interpretojë Rregulloren e Kuvendit dhe, mbi të gjitha, të mos zbatojë rezolutën e Kuvendit të Shqipërisë.
Erjon Braçe:
përpjekur dhe po përpiqet që të ushtrojë me integritet kompetencat e tij, por ato po minohen sistematikisht nga veprimtaria e paligjshme dhe në refuzim të njohjes së autoritetit të Kuvendit dhe atij të bordit nga ana e Drejtoreshës Ekzekutive të AMFsë, Shehi. E gjykojmë të
nevojshme të ritheksojmë edhe një herë se është kthyer në imperative trajtimi i çështjes së AMF- së nga organi llogaridhënës, me qëllim që ky autoritet në veprimtarinë e tij të fokusohet në detyrat e rregullimit dhe të mbikëqyrjes së tregut", thuhet në shkresën e bordit.