Hedh nga shkallët gruan shtatzënë, vihet në pranga 40- vjeçari

"Nuk isha në gjendje të mirë emocionale"

TIRANE - Një 40- vjeçar nga Tirana ka përfunduar në prangat e policisë pasi akuzohet se dhunoi bashkëshorten e tij shtatzënë dhe më pas e shtyu atë për ta hedhur nga shkallët. Burime zyrtare të uniformave blu bënë me dije se i arrestuari është shtetasi Rezart Zani. Ngjarja për të cilën akuzohet 40- vjeçari ka ndodhur në banesën e tyre, në rrugën "Ali Demi", ndërsa e dëmtuar ka mbetur 39- vjeçarja me iniciale A. SH. Menjëherë pas ng-

POLICIA

"Më datë 01.03.2017, u arrestua shtetasi Rezart Zani, 40 vjeç, banues në Tiranë, në rrugën ' Ali Demi', në banesë, pasi ka ushtruar dhunë fizike ndaj bashkëshortes së tij shtatzënë, A. Sh., 39 vjeçe, e cila ndodhet në Spital Ushtarak jashtë rrezikut për jetën", thuhet në njoftimin zyrtar të policisë.

jarjes së ndodhur, kjo e fundit u dërgua me urgjencë në Spitalin Ushtarak për të marrë ndihmën e nevojshme dhe fatmirësisht ndodhet jashtë rrezikut për jetën. Burime pranë policisë bënë

me dije se në momentin që ka ndodhur konflikti mes këtyre dy personave, burri dyshohet të ketë qenë nën efektin e alkoolit. Sherri mes tyre ka degraduar deri në momentin që Zani hodhi nga shkallët bashkëshorten e tij. Pas kësaj, ai u vu në pranga nga efektivë të Komisariatit Nr. 1 në kryeqytet, ku ka pohuar se në momentin që ka kryer këtë veprim nuk ka qenë në gjendje të mirë emocionale. Në pyetje është marrë edhe 39- vjeçarja, e cila nuk ka mundur të japë një deklaratë të plotë për shkak të gjendjes në të cilën ndod- hej. A. SH. ka treguar se herë pas here kishte konflikte me bashkëshortin, por nuk ishte në gjendje të jepte një deklaratë më të plotë, duke pasur edhe frikën se për shkak të shqetësimeve mund të humbte fëmijën që priste. Tashmë, 40- vjeçari akuzohet për veprën penale "Dhunë në familje".