Meta me ministrin e Jashtëm, Soini: Mbështesim hyrjen e Shqipërinë në BE
Kryetari i Kuvendit viziton Finlandën, dekoron Martti Ahtisaari- n "Me rëndësi, mbarëvajtja e stabiliteti i rajonit"
Finlanda mbështet Shqipërinë në rrugëtimin evropian të saj. Kjo iu konfirmua dje kreut të Kuvendit, Ilir Meta, gjatë një takimi në Helsinki me ministrin e Jashtëm të Finlandës, Timo Soini dhe nga ish- Presidenti i Finlandës, Martti Ahtisaari. Z. Meta dhe z. Soini ndanë bindjen se bashkëpunimi mes dy vendeve duhet intensifikuar veçanërisht në drejtim të shkëmbimeve ekonomike. Kryetari i Kuvendit, Meta shprehu mirënjohjen për mbështetjen e Finlandës ndaj integrimit evropian të Shqipërisë dhe nënvizoi përkushtimin e Kuvendit në interes të dialogut politik dhe avancimit cilësor të reformave kyçe, siç është ajo e sistemit të drejtësisë. Ministri i Jashtëm i Finlandës, Timo Soini u shpreh se Finlanda e mbështet Shqipërinë në rrugëtimin e saj evropian dhe theksoi se forcimi i sundimit të ligjit në të gjitha vendet e Ballkanit i shërben gjithë Evropës. Në përfundim, z. Meta dhe z. Soi- ni biseduan edhe mbi zhvillimet e fundit në rajon, duke theksuar rëndësinë e mbarëvajtjes së stabilitetit dhe perspektivës evropiane të të gjitha vendeve të Ballkanit Perëndimor ku Shqipëria luan një rol kyç. Ndërsa në takimin me z. Ahtisaari, Meta i dorëzoi atij "Dekoratën e Flamurit Kombëtar" të akorduar nga Presidenti i Republikës së Shqipërisë, Bujar Nishani. Ky titull i është akorduar z. Ahtisaari me motivacionin: "Për kontributin e tij të jash- tëzakonshëm politik e diplomatik, si i Dërguar i Posaçëm i OKB- së për zgjidhjen e statusit të Kosovës, që shënoi nisjen e procesit të Pavarësisë së Kosovës e njohjen ndërkombëtare të saj, ndërtimin e institucioneve shtetformuese dhe demokra- tike në vend, në dobi të paqes, sigurisë dhe stabilitetit në Ballkanin Perëndimor". Ish- Presidenti i Finlandës, Ahtisaari, falënderoi Kryetarin e Kuvendit për këtë çmim dhe shprehu mirënjohjen për vlerë- simin që i ka bërë Shqipëria. Më herët, kreu i Kuvendit u prit edhe nga Kryetari i Komisionit të Mbrojtjes në Parlamentin e Finlandës, njëkohësisht dhe ish- Presidentin e Asamblesë Parlamentare të OSBE, z. Ilka Kanerva. Meta e falënderoi z. Kanerva për kontributin e tij në marrëdhëniet mes Shqipërisë dhe Finlandës dhe për mbështetjen që Finlanda i jep Shqipërisë në rrugëtimin e saj evropian. Gjatë takimit u bisedua mbi forcimin e bashkëpunimit dypalësh, veçanërisht në fushat e mbrojtjes dhe sigurisë në kuadër të zhvillimeve globale, ku z. Meta nënvizoi se Shqipëria si vend anëtar i NATO- s mbështet partneritetin gjithnjë në rritje mes Finlandës dhe Aleancës së Traktatit të Atlantikut Verior. "Mund të them me bindje të plotë se marrëdhëniet midis Finlandës e Shqipërisë janë vërtet të mira. Sigurisht, ka ende mundësi për të thelluar edhe më tej bashkëpunimin dhe kontaktet institucionale", - deklaroi kryetari i Komisionit të Mbrojtjes në Parlamentin e Finlandës, z. Ilka Kanerva.