Mimi Kodheli: Të zhvishemi nga pasioni politik i të qenit armiq
Ministrja
e Mbrojtjes, Mimi Kodheli flet për katër vitet në krye të këtij institucioni, situatën politike në vend, tensionet në rajon, replikën me homologun grek dhe planet politike. Në një prononcim për revistën "Mapo", Kodheli beson në një botë më të mirë pa armë, e megjithatë është ministrja e parë e Mbrojtjes në Shqipëri dhe një ndër emrat politikisht më të lakuar për të qenë presidentja e parë grua dhe Komandantja e Përgjithshme e Forcave të Armatosura. "Nëse do të flisnim për një qëndrim moral, atëherë bota do të ishte shumë më e mirë dhe thuajse perfekte pa armë. Dhe i qëndroj kësaj ideje. Për ironi të fatit, një njeri që është kundër armëve vjen dhe bëhet ministër Mbrojtjeje, e i duhet të merret pothuajse çdo ditë me armët. Gjithsesi, arma nuk ka qenë diçka e huaj për mua. Unë i takoj atij brezi që kam bërë zbor", - thotë Kodheli. Ajo mbron fort pozicionet e Partisë Socialiste në krizën e fundit, e ngulmon në kërkesën për më pak "luftë". "Po nuk u zhveshëm, çdo ditë e më tepër, nga pasioni politik i të qenit armiq me njëri- tjetrin ditën e zgjedhjeve, historia e zgjedhjeve do të vazhdojë të jetë një histori e trishtë. Dita e zgjedhjeve duhet të jetë një festë mbarëkombëtare, ku fiton ai që është më i mirë dhe ai që është më i besueshëm", - tha Kodheli.
"Nëse do të flisnim për një qëndrim moral, atëherë bota do të ishte shumë më e mirë dhe thuajse perfekte pa armë. Dhe i qëndroj kësaj ideje.