CHAMPIONS LEAGUE

Përballje

spektakolare rezervoi shorti i UEFA Champions League për fazën çerekfinale. Bajern Mynih- Real Madrid dhe Juventus- Barcelona janë dy finalet e parakohshme që rezervuan goglat. Buzëqesh Atletiko Madrid, që ' peshkoi' Leicester, ndera sfida tjetër është ajo ndërmjet Dortmundit dhe Monako. As regjisorët më të famshëm të Hollivudit nuk mund të shkruanin një skenar kaq të bukur sa shorti i UEFA Champions League për fazën çerekfinale. Goglat rezervuan përballje titanësh, sfida luksi për të

dhuruar emocione të papërshkrueshme. Bajern MynihReal Madrid, një klasike e futbollit evropian, një përballje mes dy prej klubeve më të famshme në botë, një sfidë e cila në të kaluarën ka dhuruar gjithnjë shumë spektakël. Ançeloti kundër së kaluarës së tij, ndërsa Bajern për t'u hakmarrë pikër- isht për atë humbje të turpshme dy sezone më parë, kur në stolin e Realit ishte pikërisht Ançeloti. Një tjetër finale e parakohshme është Juventus- Barcelona, një sfidë drithëruese për italianët me shortin që nuk u tregua aspak i mëshirshëm. Përmbysja e çmendur kundër PSG është aq e freskët sa Juventusi shpreson në një mrekulli në një kohë kur ndeshja e kthimit do të luhet pikërisht në "Camp Nou". Juve është një skuadër eksperte, një kundërshtar që nuk do të shpërdorojë as mundësinë më të vogël në ketë përballje. Me kampionatin thuajse të hipotekuar, bardhezinjtë do të luajnë gjithçka për gjithçka kundër Barcelonës. Buzëqesh nga ky short Atletiko Madrid, që "peshkoi" pikërisht kundërshtarin më pak të kuotuar në këtë fazë Leister, por kujdes britani- kët nuk kanë asgjë për të humbur, as presionin për t'u kualifikuar, fundja janë mësuar tashmë me termin ' Hirushe'. Një sfidë mes të barabartësh mund të konsiderohet ajo ndërmjet B. Dortmund- Monako, të gjesh një favorit në këtë sfidë është e vështirë, mbase francezët kanë më shumë freski dhe gëzojnë një formë të shkëlqyer, fundja ishin dhe ideatorët e një përmbysjeje të madhe kundër Man. Sitit. Ndeshjet e para të ndeshjeve çerekfinale do të luhen me 11.12 prill, ndërsa ato të kthimit më 18 dhe 19 prill.