Basha: Gati për zgjedhje pas qeverisë teknike
Strategjia, kreu i PD, porosi deputetëve e kryesisë: Qëndresë jo vetëm në çadër "Presidenti i ri, asnjë marrëveshje me maxhorancën"
Opozita do të vazhdojë qëndresën e saj në "çadrën e lirisë" deri në krijimin e qeverisë teknike. Vetëm pas këtij momenti, e djathta do të jetë gati për të hyrë në zgjedhjet e reja parlamentare. Një gjë të tillë e bëri të qartë mbrëmë kreu i opozitës, Lulzim Basha gjatë mbledhjeve me dyer të mbyllura fillimisht me aleatët e më pas me deputetët dhe anëtarët e kryesisë së PD- së, prej të cilëve kërkoi organizim të strukturave të partisë për përgatitjen e zgjedhjeve. Para vizitës sot në Maltë ku do të marrë pjesë në samitin e PPE- ve, z. Basha u komunikoi strategjinë e re për të vijuar rezistencën në çadër deri në qeveri teknike. Burime brenda mbledhjes bëjnë me dije se z. Basha është shprehur në mënyrë të qartë se protesta do të vijojë para Kryeministrisë deri në qeveri teknike, ndërkohë që hodhi poshtë çdo aludim për marrëveshje me shumicën për zgjedhjen e presidentit. "Asgjë nuk është e vërtetë. PD- ja është e vendosur në qëndrimin e saj", - është shprehur z. Basha. Mësohet se kryedemokrati Basha u ka kërkuar deputetëve dhe anëtarëve të kryesisë që të jenë në bazë tek strukturat. Përveç qëndresës në çadër ku po zhvillohet protesta, Basha kërkoi angazhim edhe në strukturat në bazë. Burime brenda mbledhjes bëjnë me dije se Basha u ka kërkuar deputetëve dhe anëtarëve të kryesisë që përveç qëndresës në çadër, të zhvillojnë edhe takime në bazë. "Qëndresa e opozitës do të vazhdojë deri në qeveri teknike. Kauza për votën e lirë dhe qeveri teknike do konkretizohet. Deputetët dhe anëtarët e kryesisë së PD- së të jenë në bazë. Të jemi gati për zgjedhje pas qeverisë teknike. Deputetët të
përqendrohen edhe në rrethe", mësohet të jetë shprehur kreu i PD- së. Gjithashtu, në këtë mbledhje Basha informoi deputetët dhe kryesinë e tij mbi takimet dhe mbështetjet që ai ka marrë për qëndresën e opozitës. Ai tha se shumë shpejt do të konkretizohet mbështetja e SHBA- ve për kauzën e opozitës. "Ka qenë një nga vizitat më të suksesshme që kam pasur në SHBA, përfshirë edhe kohën kur isha ministër i Jashtëm", theksoi kreu i PDsë. Paraditen e djeshme, në ditën e 37 të protestës para Kryeministrisë, kreu i PD- së, Lulzim Basha akuzoi kryeministrin, por edhe shtetas të huaj, të cilët i cilësoi "merce-
narë të paguar nga paratë e drogës, që janë kundër zgjedhjeve të lira". Z. Basha iu kundërpërgjigj deklaratës së kryeministrit Edi Rama se pas protestës së PD në çadrën përpara zyrës së tij në bulevard qëndrojnë segmente antishqiptare. Nga "çadra e lirisë", kreu i PD tha se Rama po bën tenton të përbaltë protestën e opozitës, ndërsa të huajt që mbështesin qëndrimin e maxhorancës i akuzoi si të korruptuar, që paguhen nga paratë e drogës dhe mafies shqiptare. "Fillon dhe llomotit, flet për armiqtë e jashtëm, të cilët nuk ia duan të mirën Shqipërisë, të cilët sipas tij, kanë bërë konspiracion me këtë çadër lirie. Po Protestuesit në çadër vrasin kohën e lirë duke shpikur lojëra. Loja më e fundit quhet ' Rrëzo Rilindjen'. Birilat janë qeveria dhe çdo biril ka një foto të eksponentëve të lartë të maxhorancës, të akuzuar nga opozita për krime dhe korrupsion. Loja ka ngjallur të qeshura tek protestuesit, që përmes argëtimit kanë mundur ta rrëzojnë disa herë "Rilindjen".
kundër kujt? Sot nga ky shesh dua t'u them Edi Ramës dhe mercenarëve të tij që paguhen me paratë e drogës dhe mafies shqiptare, mercenarëve të tij shqiptarë dhe të huaj, zyrtarë të shkarkuar për korrupsion nga qeveritë e tyre që me paratë e drogës lehin kundër zgjedhjeve të lira, që Shqipëria ka vetëm një armik dhe kjo është tirania e krimit, korrupsionit, drogës dhe ne jemi të vendosur ta mundim, ta shporrim këtë tirani. Armiqtë e shqiptarëve janë oligarkia, krimi i organizuar dhe narkomafia, e cila po investon rëndë për të deformuar të vërtetat dhe për t'i treguar botës realitetin e bandave dhe krimit të organizuar", deklaroi kreu i PD- së. Sipas tij: "Kanë dështuar dhe po dështojnë, dielli i pranverës po djeg dhe përvëlon gënjeshtrat e Ramës dhe konsulentëve të tij të paguar. SHBA e di të vërtetën, Perëndimi e di të vërtetën, e vërteta e dhimbshme e një Shqipërie që qeveriset nga një kryeministër që është i kapur nga krimi. Të presim në këtë shesh të vendosur dhe të bashkuar kështu si jemi lajmin e fitores, lajmin e largimit të Edi Ramës, qeverisë teknike, zgjedhjeve të lira dhe të ndershme", deklaroi kreu i PD- së.