Gjosha: Jo zgjedhje pa PD, demokracia në rrezik
Protesta, ministrja e LSI: Duhet gjetur patjetër një zgjidhje "Mazhoranca dhe opozita të dialogojnë para 18 qershorit"
LSI- ja apelon për dialog mes mazhorancës dhe opozitës, me qëllim që e djathta t'u bashkohet zgjedhjeve të 18 qershorit. Bojkoti i zgjedhjeve nuk është plan i LSI- së, edhe nëse Partia Demokratike vendos të mos marrë pjesë në të. Sipas ministres së Integrimit, Klajda Gjosha, LSI synon të arrihet ende një marrëveshje mes palëve për të shmangur këtë krizë ekstreme. Pyetjes nëse ka menduar ndonjëherë LSI të mos hyjë në zgjedhje nëse PD nuk merr pjesë, Gjosha iu përgjigj: "LSI nuk e mendon këtë. LSI mendon se duhet gjetur një zgjidhje me patjetër si me opozitën, ashtu edhe me një pjesë tjetër të mazhorancës, në mënyrë që vendi të ketë stabilitetin e duhur dhe kjo besoj se është në interes të të gjithëve ne dhe të çdo qytetari". Ajo përmendi se LSI është e angazhuar për dialog mes palëve. "LSI është e gatshme për dialog, për të qenë konstruktiv me të gjitha palët politike dhe ajo çfarë është më e rëndësishme, LSI është e gatshme që vendi të ketë stabilitet, në mënyrë që të ketë një demokraci funksionale, sepse nëse opozita dhe mazhoranca nuk punojnë për të njëjtin drejtim, prioritet, për qytetarët, kuptohet që edhe demokracia e vendit vihet në rrezik. Prandaj, LSI është gjithmonë këtu për të dialoguar dhe për të qenë konstruktive me të gjitha palët. Nëse ne gjejmë një mënyrë dialogu, unë kam bindjen që gjithmonë ka një zgjidhje, mjafton të ulemi pranë njëri- tjetrit për të diskutuar të gjitha këto problematika", theksoi ministrja e LSI- së. Gjosha konfirmoi gjithashtu se në zgjedhjet parlamentare të 18 qershorit do të jetë deputete në Tiranë. "Jam e vendosur pranë njësisë bashkiake nr. 1 dhe jam duke punuar shumë me strukturat atje", shprehet
ministrja Gjosha, ndërsa duke iu referuar pritshmërive elektorale të LSI- së në 18 qershor thotë se fjala e fundit u takon qytetarëve me votë. Gjosha sqaron gjithashtu për "Report TV" deklaratën e saj në Pogradec se Ilir Meta do të jetë kryeministër pas zgjedhjeve të 18 qershorit. Nuk e di pse duhet "LSI mendon se duhet gjetur një zgjidhje me patjetër si me opozitën, ashtu edhe me një pjesë tjetër të mazhorancës, në mënyrë që vendi të ketë stabilitetin e duhur dhe kjo besoj se është në interes të të gjithëve ne dhe të çdo qytetari", tha ministrja Gjosha.