CDU, Bashës: Të shqetësuar për falsifikimin, por hyni në zgjedhje
Parlamenti
gjerman është i shqetësuar për bojkotin e opozitës, bllokimin e reformës në drejtësi dhe përpjekjet për falsifikimin e zgjedhjeve. Zv/ kryetari i grupit të CDU- CSU në Parlamentin gjerman, Franz Josef Jung, njëherësh shef i politikës së jashtme në CDU dhe ministër i Mbrojtjes përmes një letre të dërguar më 23 mars, kreut të PDSH- së i shpreh shqetësimin Bashës në lidhje me zhvillimet e fundit në Shqipëri. Ai shprehet se CDU dhe CSU është shumë e shqetësuar që në zgjedhjet e 18 qershorit mund të ketë falsifikim të madh si rezultat i blerjes së votave dhe mjeteve të tjera, por bojkotin dhe kërkesën për qeveri teknike e cilëson si rrugë të gabuar. "Mendojmë se është rruga e gabuar, që ky problem mund të zgjidhet përmes bojkotit parlamentar dhe deklarimin e mosregjistrimit për zgjedhjet e 18 qershorit, nëse qeveria e zgjedhur shqiptare nuk jep menjëherë dorëheqjen dhe të zëvendësohet me një ' qeveri teknike' nga të gjitha grupet parlamentare", thuhet në letrën e zyrtarit gjerman. Z. Jung paralajmëron për pasojat e rënda për vendin dhe për vetë PD- në. "Vonesa e reformës në drejtësi dhe bojkoti i zgjedhjeve nga opozita do ta kthenin Shqipërinë shumë mbrapa në rrugën e saj drejt BEsë dhe do të dëmtonte shumë marrëdhëniet mes PD dhe CDU- CSU. Kjo s'është në interesin tonë", shprehet Jung. Zyrtari i lartë gjerman është ultimativ kur thotë se, ka mënyra të tjera për të ulur rrezikun e zgjedhjeve jo të drejta. "Për t'i dhënë fund menjëherë bojkotit parlamentar, për të marrë pjesë në mënyrë aktive në zbatimin e reformës në drejtësi dhe për t'u regjistruar për zgjedhjet kombëtare pa vendosur parakushtet e përmendura më sipër", thekson Jung.