Meta: Të vendoset dialogu për të garantuar standarde më 18 qershor
Kryemadhi: Nëse PD s'hyn në zgjedhje, s'ka demokraci. LSI, me 40 deputetë" Kreu i LSI- së bisedoi dje me ish- deputetin e PS, Kokëdhima "Ndëshkim zyrtarëve që nuk mbajnë nën kontroll territorin e tyre"
Kryetari i LSI- së, Ilir Meta deklaroi dje gjatë një trajnimi informues me të rinjtë e Fierit mbi procesin e integrimit evropian të Shqipërisë se duhet dialog politik për të pasur zgjedhje me standarde evropiane. "Dua të nënvizoj rëndësinë e vendosjes sa më shpejt të dialogut politik për të garantuar zgjedhje të standardeve plotësisht evropiane në 18 qershor, në mënyrë që vendi çdo ditë e më shumë të hedhë një hap drejt këtyre zgjedhjeve, që duhet të jenë plotësisht të standardeve evropiane dhe jo të kthehet në një hap drejt thellimit të një krize politike apo të një krize zgjedhore", theksoi Meta. Sipas tij, nëse ato nuk do të jenë sipas standardeve, "kjo na largon nga Bashkimi Evropian dhe njëkohësisht cenon ecurinë e të gjithë reformave të tjera, që janë jetike jo vetëm për integrimin evropian, por në radhë të parë për të forcuar paqen sociale dhe stabilitetin politik në vend, për të forcuar sundimin e ligjit, për të luftuar krimin e organizuar dhe korrupsionin dhe për të siguruar një mjedis më të favorshëm për zhvillimin e biznesit vendës e sidomos për tërheqjen e investimeve të huaja". Më herët kreu i Kuvendit pati një takim me kreun e lëvizjes "Zgjidhja", Koço Kokëdhima. Gjatë takimit që zgjati 45 minuta u diskutua për situatën politike, për tejkalimin e krizës politike në vend dhe për gjetjen e rrugëzgjidhjeve pas situatës së krijuar nga protesta opozitës, që ka nisur prej 18 shkurtit dhe nga bllokimi i parlamentit. Temë diskutimi ishte edhe ngecja e reformës zgjedhore, ndërsa partitë po përgatiten për zgjedhjet parlamentare të 18 qershorit.
KRYEMADHI
Por, ndryshe nga kreu i partisë, deputetja e LSI- së, Monika Kryemadhi ishte më e prerë dhe më e ashpër dje. E ftuar në "News 24", nga Kuvendi pritet të diskutojë sot në seancë 7 ligjet e reformës në drejtësi. Rendi i ditës për sot parashikon diskutimin mbi ligjin për mbrojtjen e dëshmitarëve dhe bashkëpunëtorëve të drejtësisë, Kodin Penal, Kodin e Drejtësisë për të mitur, Kodi i Procedurës Civile, etj. Kodet kërkojnë 84 vota për t'u miratuar, ndërsa pritet që opozita sërish të bojkotojë. "Opozita duhet të marrë pjesë në zgjedhje. Pa opozitën zgjedhjet nuk mund të bëhen. Ulja e palëve në tryezë, drejtimi i duhur. Të mos ketë polemika nga çadra apo ballkoni i pushtetit", tha dje kreu i grupit parlamentar të LSI- së. "S'mund të ketë zgjedhje që paraprihen nga konflikti", deklaroi ai. "Këndi i ekselencës", Kryemadhi iu përgjigj pyetjeve të ndryshme të bëra nga studentët. Ajo hodhi dyshimin për shtyrjen e zgjedhjeve. "E para një herë, uroj të mos shtyhen zgjedhjet se për mendimin tim nëse s'do hyjë opozita në zgjedhje, s'ke më demokraci pastaj", tha ajo. Deputetja e LSI- së tha më tej se kjo parti ka sot 20 deputetë, por mendon se në zgjedhje do t'i kalojë 40. E pyetur nëse do të dalin forcë e parë, Kryemadhi u shpreh: "Pse jo?!". Ajo u qëndroi kritikave në lidhje me reformën në arsim, kur deklaroi se reforma favorizon universitetet private dhe oligarkët dhe nëse një maturant e çon në Gjykatën Kushtetuese, të gjithë studentëve nuk do t'u njihet viti i parë dhe gjithashtu edhe zgjedhjet në universitete nuk njihen. "Kur u bë reforma në arsim në Paris, studentët u çuan dhe dogjën Parisin", u shpreh deputetja e LSI- së. "Janë 3 breza të humbur nga kjo reformë. Lindita Nikolla nga ana ligjore mund të mos ketë vetë problem, por nëse ngri- Ish- ministri i Brendshëm u shpreh dje: "në 18 qershor do ketë zgjedhje, duhet të shkojmë në zgjedhje të gjithë bashkë. Bëni gabim të mendoni se qeverisja e ardhshme vendoset në korridoret e qeverisë së madhe. Politika e televizorit del herë me sharje, herë me llum, por qeverisja e ardhshme përcaktohet këtu". het një student ose maturant e çon ligjin në Kushtetuese, të gjithë studentët e vitit të parë kthehen mbrapsht, e të gjitha zgjedhjet në universitete", shtoi ajo. E pyetur në do të rrëzojnë qeverinë, ajo iu përgjigj: " Jo. Po rrëzova unë qeverinë sot, e di çfarë ndodh? Burgjet të shqyhen dhe të hapen. Policinë e ke rrugëve. Ke opozitën në protestë, në shesh. Maqedoninë e ke në krizë, Italia shumë e dobët ekonomikisht. E di se ç'ndodh kur fqinjët janë të dobët? Reformën e zhbëjnë votat e brezit të ri. Nëse më voton mua, e zhbëj reformën", tha Kryemadhi, duke folur edhe për rolin e zv. ministres së LSI- së, Nora Malaj në këtë reformë. "Zv. ministrja çfarë është, një rrogëtare në institucion. Një karamele që ua jep partive politike. Zonja Malaj është profesioniste dhe e njeh sistemin e arsimit dhe ne i thoshim pse e merr ti përsipër politikisht që t'u dalësh maturantëve. Thoshte e kam detyrim moral e politik", tha Kryemadhi.