Ylli Manjani
Plani antikanabis, Peleshi: Ndërhyrje nga shërbimet inteligjente e ushtria
Qeveria
miratoi dje në mbledhjen e përjavshme të saj, Planin Kombëtar Kundër Kultivimit dhe Trafikimit të Kanabisit për 2017- 2020. Zv. kryeministri Niko Peleshi paralajmëroi ndëshkime ndaj zyrtarëve që do të neglizhojnë detyrimet. "Theksi kryesor i Planit Kombëtar kundër Kanabisit është përpjekja e përbashkët ndërinstitucionale për goditjen e gjithanshme, frontale që ka për qëllim identifikimin, zbulimin dhe shkatërrimin e grupeve dhe rrjeteve kriminale që janë aktive në fushën e kultivimit dhe të trafikimit të kanabisit", tha Peleshi. Sipas planit, duke filluar nga ky vit, Policia e Shtetit, organet ligjzbatuese dhe të gjitha institucionet e tjera që kanë lidhje do të angazhohen në një operacion të gjerë dhe të kombinuar, që do të sigurojë identifikimin e hershëm dhe goditjen që në gjenezë të përpjekjeve për kultivim apo trafikim. Në shërbim të këtij operacioni, në përbërje të Task Forcës Qendrore dhe Task Forcave Lokale, do të jenë kapacitetet e Policisë së Shtetit, të shërbimeve inteligjente, të ushtrisë, të bujqësisë, të mjedisit, të shëndetësisë, ato të pushtetit vendor, partnerët ndërkombëtarë etj. "Plani parashikon masa serioze ndaj të gjithë zyrtarëve të nivelit qendror dhe lokal, të cilët nuk arrijnë të mbajnë Ish- ministri i Drejtësisë, Ylli Manjani reagoi i pari pas lajmit të dhënë nga Peleshi. "E përshëndes zv. kryeministrin që pranoi sugjerimin tim për futjen e ushtrisë në luftën anti- kanabis. Zoti Peleshi është i vetmi që dëgjon!", tha Manjani.
në administrim e kontroll efektiv territorin për të cilin janë përgjegjës. Po ashtu, një proces vlerësimi dhe vetingu ndaj zyrtarëve me përgjegjësi në këtë fushë do të shoqërojë procesin e zbatimit të planit. Identifikimi dhe sekuestrimi i aseteve të krijuara nga veprimtaritë kriminale është një kriter i rëndësishëm për të matur shkallën e suksesit në përballjen me fenomenin e kanabisit", shtoi zv. kryeministri.