Një muaj pas arrestimit, ish- efektivi i FNSH- së kërkon në gjykatë ndryshimin e masës së sigurisë
Ardian Loci: Jam i sëmurë me depresion, më ktheni në shtëpi!
SHKODËR - Një muaj pas arrestimit, gjendja shëndetësore e Ardian Locit, ishshoferit të FNSH- së në Shkodër, është përkeqësuar. Loci, i akuzuar se ka dekonspiruar aksionet e policisë për asgjësimin e bimëve narkotike në Dukagjin gjatë 2016- ës, doli dje sërish përpara Gjykatës së Shkallës së Parë të Shkodrës, duke kërkuar zëvendësim të masës së sigurisë, nga "Arrest me burg" në "Arrest shtëpie". Zëvendësimi i masës u kërkua për shkak të disa provave shkresore të reja, duke krijuar kushtet për rrethana cilësuese në këtë çështje. Këto prova përpara gjyqtarit Tonin Sterkaj u paraqitën nga avokati mbrojtës, Ilir Golemi. Provat e palës mbrojtëse kanë të bëjnë me karakterin, personalitetin dhe gjendjen e vështirë ekonomike e familjare të Ardian Locit. Ndër të tjera avokati, tha se në harkun kohor të një muaji klienti i tij ka bërë vizita në paraburgim për shkak të depresionit. Edhe vetë i akuzuari për "Shpërdorim detyre" tregoi se si gjendja e tij shëndetësore është përke- provat shkresore paraqiti vizitat e vajzës së sëmurë të Ardian Locit, një kredi në një bankë të nivelit të dytë, një aktmarrëveshje me OSHEEnë për të shlyer me këste debinë e energjisë elektrike, vërtetim të 19 viteve si punonjës i FNSH- së, faktin se bashkë me familjen jetojnë te shtëpia e babait të bashkëshortes, si dhe një pagesë që vetë shteti ka bërë për vajzën e tij të sëmurë për të ndihmuar fëmijët e policëve që kanë probleme me shëndetin. Mbrojtja, gjithashtu deklaroi përpara gjykatës se zëvendësimi i masës së sigurisë nga "Arrest me burg" në "Arrest shtëpie" nuk paraqet asnjë rrezik. Në fund, organi i akuzës kërkoi disa ditë kohë për të shqyrtuar provat shkresore dhe nëse plotësohen kushtet që për Ardian Locin të zëvendësohet masa e sigurisë. se. ni.