Dita Ndërkombëtare e Komunitetit Rom
Gjermeni: Ndihmuam 469 familje në mbarë vendin
Në
Ditën Ndërko mbëtare të Komunitetit Rom, ministrja e Zhvillimit Urban, Eglantina Gjermeni gjatë një vizite në familjet rome në Zhamëz ( Njësia administrative, Dushk) në Lushnjë bëri me dije risitë që ligji i ri i strehimit social, i cili pritet të miratohet së shpejti sjell për këtë kategori. Gjatë bashkëbisedimit me banorët, përfitues të programit për rikonstruksionin e banesave të komu- nitetit rom dhe egjiptian, ministrja Gjermeni tha se në ligjin e ri, programi i banesave ekzistuese ose i përmirësimit të kushteve deri në ndërtim të ri parashikon ndihmën që u jepet me grante konkurruese, njësive të vetëqeverisjes vendore nga buxheti i shtetit për këtë qëllim. Banesat që trajtohen nga programi i përmirësimit të kushteve ose i përmirësimit të kushteve deri në ndërtim të ri janë banesat e amorti-
PublikimAnkandi i tretë
zuara, që kanë nevojë për ndërhyrje dhe përmirësime të domosdoshme, banesat në rrezik shembjeje, ku mungojnë shërbimet bazë siç mund të jenë vendbanime ose banesa individuale të komunitetit rom dhe komunitetit egjiptian. "Më vjen mirë që të pohoj se që prej vitit 2014 janë investuar 247 milionë lekë për rikonstruksionin e plotë të 469 banesave të komunitetit rom dhe egjiptian, në 15 bashki të vendit. Falë zbatimit të këtyre projekteve, janë 1 876 qytetarë të këtij komuniteti që jetojnë në kushte të përmirësuara jetese dhe mbi 1 mijë qytetarë që jetojnë në kushte më të mira higjienosanitare falë ndërhyrjeve në rrjetin e kanalizimeve të ujërave të zeza", tha ministrja në fjalën e saj.