Edi Rama: Të ulemi ballë për ballë, të dialogojmë pa kushte
Kryeministri: Shqipëria nuk mund të kthehet mbrapa, dhuna jo alternativë "Qeveria nuk është privilegj nga i cili heq dorë"
Kryeministri Edi Rama deklaroi dje se është i hapur për të dioaloguar ballë për ballë me opozitën, pa e kthyer këtë në një lojë kungulleshkash dhe pa kushte. Në një prononcim për gazetarët, pas mbledhjes së grupit parlamentar të PS- së, Rama u shpreh: "Shqipëria nuk mund të kthehet mbrapa, se dhuna nuk është alternativë, se kërcënimet nuk janë program, se i gjithë ky proces ku ne jemi futur është realisht një proces historik, pasi Bashkimi Europian na pret për t'u ulur në tavolinë dhe për të negociuar anëtarësimin, por edhe pasi Shqipëria dhe shqiptarët presin çlirimin e drejtësisë nga kthetrat e gjykatësve dhe prokurorëve të korruptuar". Sipas tij, "procesi i vetingut është një proces absolutisht jetik për Shqipërinë që duam, ndërkohë që është patjetër shumë e rëndësishme për Shqipërinë që kemi që të dialogojmë së bashku, natyrisht me opozitën, pa e kthyer në një lojë kungulleshkash dhe pa venë kushte". "Të ulemi në tavolinë dhe të diskutojmë ballë për ballë për të gjetur zgjidhjen. Për të gjetur zgjidhje për çka opozita pretendon brenda kornizës kushtetuese të Republikës së Shqipërisë, natyrisht dhe në funksion të aspiratës së këtij populli, jo thjesht për të bërë zgjedhje të lira e të ndershme, por edhe për të përcaktuar rrugën e tij si vazhdim i domosdoshëm i rrugës së përcaktuar që me rilindasit tanë, Shqipërinë europiane", u shpreh kryeministri, njëherësh edhe kryetar i PS- së. Ai theksoi se, "Shqipëri europiane pa drejtësi europiane nuk mund të ketë! Shqipëri europiane pa pastruar gjykatësit dhe prokurorët e korruptuar nuk mund të ketë! Shqipëri europiane me kërcënime për dhunë, për destabilizim, për t'u kthyer mbrapa në kohët e zymta, që shqiptarët i kanë ende të freskëta në kujtesë, nuk mund të ketë!". I pyetur se çfarë është e gatshme të lëshojë PS në një kohë që aleati i tij, Ilir Meta deklaroi se është gati të lërë mandatet e përfaqësuesve të tij që nga posti i kreut të Kuvendit e deri te ministrat, Rama tha: "Unë e konsideroj qeverinë përgjegjësi dhe detyrat qeverisëse përgjegjësi, jo privilegje të cilat i ke e nga të cilat heq dorë. Nga kjo përgjegjësi, ne nuk mund të heqim dorë për sa kohë jemi mandatuar nga populli për të ushtruar këtë përgjegjësi në shërbim të njerëzve. Nga ana tjetër, e kam thënë dhe e përsëris. Çdo gjë në funksion të adresimit në Kodin Zgjedhor të çdo lloj shqetësimi që mund të ketë opozita, në bashkëpunim me OSBE/ ODIHR, që kanë bërë dhe ata rekomandimet e tyre e po ashtu për çdo mekanizëm të ri që mund të krijohet në funksion të përforcimit të garancive psikologjike për opozitën, se në këndvështrimin tim nuk ka nevojë, ne jemi të hapur ta pranojmë. Por, për këto jemi gati të ulemi e të diskutojmë", theksoi kreu i qeverisë.
I pyetur për kushtin e opozitës për qeveri teknike dhe mosfutjen e saj në zgjedhjet e 18 qershorit, Rama përsëriti: "Unë i qëndroj asaj që kam thënë gjithmonë. Zgjedhjet janë të popullit, nuk janë të partive, janë të qytetarëve, jo të politikanëve. Politikanët mund të regjistrohen, mund të mos regjistrohen, mund të
paraqiten, mund të mos paraqiten, por nuk mund t'i thonë popullit ti nuk duhet të paraqitesh ditën që ti do të na gjykosh, se ne duam të gjykohemi ditën që ne kemi qejf. Kjo nuk mund të ndodhë!". Kryeministri dis- "Unë e konsideroj qeverinë përgjegjësi dhe detyrat qeverisëse përgjegjësi, jo privilegje të cilat i ke e nga të cilat heq dorë. Nga kjo përgjegjësi, ne nuk mund të heqim dorë për sa kohë jemi mandatuar nga populli për të ushtruar këtë përgjegjësi në shërbim të njerëzve", tha dje Rama.
kutoi pas mbledhjes së grupit parlamentar me kryesinë e partisë dhe 12 koordinatorët nëpër rrethe për të vlerësuar situatën ku ndodhen, në një kohë që edhe LSI nuk ka firmosur një koalicion të dytë me PS- në.