Vetëfinancimi i bashkive, dy taksa të reja me afat deri në 3 vjet
Ministri Ahmetaj: Pushteti vendor do të ketë të drejtë të vendosë taksa të përkohshme Transferta e pakushtëzuar do të rritet me 15.5 mld lekë në 2017
Bashkitë do të menax hojnë të ardhurat e tyre nga mbledhja e detyrimeve te subjektet dhe biznesi. Por, me ligjin e ri të vetëfinancimit, pushteti vendor ka të drejtë të vendosë taksa të përkohshme në një afat kohor deri në 3 vjet. Ministri i Financave, Arben Ahmetaj tha se edhe në këtë rast, duhet të saktësohet destinimi i fondeve. Drafti për vetëfinancimin e qeverisjes vendore, i cili u miratua në Komisionin parlamentar të Ekonomisë, parashikon të drejtën e bashkisë për vendosjen vetëm të dy taksave të përkohshme jo më shumë se 3 vjet. Ministri i Financave, Arben Ahmetaj shpjegoi pas mbledhjes së komisionit, se nuk i lejon bashkitë të bëjnë abuzime me rritjen e taksave. "Do të kenë të drejtë të vendosin taksa të përkohshme. Në definicionet e taksës së përkohshme deri në tre vjet jemi brenda parashikimit të përkohshëm", - tha Ahmetaj.
BUXHETI
Edhe buxhetet e bashkive do t'i nënshtrohen rregullit fiskal me qëllim moskrijimin e borxheve. Komisioni i Ekonomisë miratoi projektligjin e qeverisë, i cili rregullon tërë sektorin e financave vendore. Bashkive nuk do t'u lejohet më të bëjnë parashikime të shpenzimeve mbi kapacitetet reale të mbledhjes së taksave, ndërkohë që në rastet kur një njësi vendore është në vështirësi të fortë financiare, vendoset nën mbikëqyrjen e Ministrisë së Financave. "Në bazë të këtij ligji, bashkitë nuk do lejohen më të bëjnë parashikime të pabazuara, të rrisin shpenzime dhe të përfundojnë me detyrime të prapambetura të papaguara, duke thelluar deficitin indirekt dhe duke ia ngarkuar pastaj të gjitha këto ngarkesa qeverisë qendrore", - deklaroi ministri i Financave, Arben Ahmetaj. Ligji i ri për financat vendore përcakton për herë të parë se, të paktën 1 për qind e PPB- së do t'i shkojë si transfertë e pakushtëzuar buxhetore pushtetit lokal, duke siguruar një mbështetje më të madhe se aktualisht. "Transferta e pakushtëzuar do të rritet nga 15.5 miliardë lekë në 2017- ën, në të paktën 17 miliardë në 2018- ën", - tha Ahmetaj. Po ashtu, bashkive do t'u jepet mundësia të vendosin taksa provizore për një qëllim të caktuar, por jo më gjatë se tre vjet. Njëkohësisht, ligji përcakton se 2 për qind e tatimit mbi të ardhurat personale të shkojë për bashkitë.
Komisioni parlamentar i Ekonomisë miratoi projektligjin "Për financat e vetëqeverisjes vendore", duke hapur rrugën që nisma e qeverisë të votohet në seancë plenare. Projektligji parashikon të drejtën e bashkive për të vendosur deri 2 taksa të përkohshme në një periudhë jo më shumë se tre vjet. Ministri i Financave, Arben Ahmetaj tha se disa nga risitë e këtij projektligji janë rritja e transfertës së pakushtëzuar nga buxheti i shtetit dhe disiplinimi i financave vendore. Ministri Ahmetaj pranoi se gjatë konsultimit të këtij projektligji me grupet e interesit, ka pasur debate me drejtuesit e bashkive. Pretendimet e tyre, sipas tij, kanë qenë kërkesat për më shumë fonde. "Në bazë të këtij ligji, bashkitë nuk do lejohen më të bëjnë parashikime të pabazuara, të rrisin shpenzime dhe të përfundojnë me detyrime të prapambetura të papaguara, duke thelluar deficitin indirekt dhe duke ia ngarkuar pastaj të gjitha këto ngarkesa qeverisë qendrore" Drafti për vetëfinancimin e qeverisjes vendore, i cili u miratua në Komisionin parlamentar të Ekonomisë, parashikon të drejtën e bashkisë për vendosjen vetëm të dy taksave të përkohshme jo më shumë se 3 vjet. Ministri i Financave, Arben Ahmetaj shpjegoi pas mbledhjes së komisionit, se nuk i lejon bashkitë të bëjnë abuzime me rritjen e taksave.