“Zbulimi i 12 tonë drogë në Përmet u dekonspirua”
Magazina kishte 3 muaj që përdorej për depozitimin e hashashit, ja çfarë u gjet brenda Prokuroria: Rrëfimi i banorëve për punëtorët
Operacioni i zhvilluar pak ditë më parë në fshatin Pagri të Përmetit ku u sekuestruan rreth 12 tonë kanabis, dyshohet të jetë dekonspiruar. Burime pranë hetuesve të çështjes bënë dje me dije se, duke u nisur nga dëshmitë e banorëve të zonës, në magazinën ku u gjet sasia e hashashit punonin një numër i madh njerëzit të cilët nuk njiheshin prej tyre, dhe se ata janë parë aty para se të shkonte policia. Po ashtu, në depon me kanabis u gjetën edhe elementë të tjerë që do t'u shërbejnë hetuesve për hetimet në vazhdim. Mesditën e së shtunës, SHÇBA në bashkëpunim me strukturat e Policisë së Shtetit, në kuadër të operacionit të koduar "Pagri 2017", gjetën të ambalazhuar në thasë plastmasi një sasi prej 11.650 kg lëndë narkotike kanabis sativa. Lënda narkotike u gjet në një nga tri ish- depot e Rezervave të Shtetit. Sipas policisë, kjo magazinë përdorej nga personat që e administronin si depo për të magazinuar ushqimin e bagëtive. Ndërsa, vetëm një ditë pas operacionit, në Komisariatin e Përmetit pati shkarkime, përjashtime dhe nisje të procedimit disiplinor për disa efektivë dhe zyrtarë të policisë. Po ashtu, u arrestuan edhe 3 persona dhe 1 tjetër u shpall në kërkim. Dy nga të arrestuarit janë administratorët e depove dhe tjetri kryeplaku i fshatit. Kurse i kërkuari është administratori i tretë i depove. Në kuadër të operacionit të koduar "Pagri 2017", në njërën nga tri depot u gjet e ambalazhuar në thasë plastmasi një sasi prej 11.650 kg lëndë narkotike kanabis sativa. Sipas policisë, kjo magazinë përdorej nga personat që e administronin si depo për të magazinuar ushqimin e bagëtive.
Nga dëshmitë e marra gjatë hetimit, rezulton se magazina ku u gjet sasia e drogës kishte rreth 3 muaj që përdorej për depozitimin e lëndës narkotike. Banorë të zonës kanë deklaruar para
hetuesve se në këtë magazinë punonin një numër i madh njerëzish të panjohur prej tyre dhe nuk i lejonin ata që të afroheshin tek ajo magazinë. Madje, sipas banorëve, këta të panjohur janë parë në këtë magazinë edhe
pak orë para ndërhyrjes së policisë. Gjatë ndërhyrjes policore nuk është gjetur asnjë njeri brenda saj ( magazinës), ndërkohë që ka pasur shumë elementë ( si ushqime, rroba etj.), që dëshmojnë se përpunuesit e lëndës narko-
tike kanë qenë deri vonë në ambientet e magazinës dhe më pas janë larguar. Sipas hetuesve të çështjes, duke u nisur nga gjurmët e lëna, duket se largimi i tyre është bërë me shpejtësi dhe dyshohet se ata mund të jenë lajmëruar nga persona brenda radhëve të uniformave blu.