Ekzekutimi i 39- vjeçarit, policia: Elidon Mehmeti merrej me trafik droge
Makina e djegur në Mifol dyshohet të jetë e autorëve
VLORË - Zbardhen detaje të reja në lidhje me ngjarjen e rëndë të ndodhur në orët e vona të së dielës në lagjen "Pavarësia" të Vlorës, ku mbeti i vrarë me 15 plumba kallashnikovi 39- vjeçari Elidon Mehmeti. Burime zyrtare nga Drejtoria e Policisë së këtij qarku dje bënë me dije se viktima, i cili u qëllua për vdekje brenda në makinën e tij në rrethrrotullimin e Skelës ka qenë person me precedentë penalë për trafiqe të paligjshme. Pas kryerjes së veprimeve hetimore ka rezultuar se Mehmeti është arrestuar në shtetin italian për "Trafikim të lëndëve narkotike". Mësohet se ai merrej me skafe dhe kjo është një prej pistave ku po hetohet për zbardhjen e atentatit. Sipas hetuesve të çështjes, dyshohet se ekzekutimi i 39- vjeçarit të ketë lidhje me të shkuarën e tij kriminale. Pas ngjarjes që tronditi banorët e qytetit bregdetar, janë shoqëruar dhe marrë në pyetje disa persona, që sipas policisë mund të kenë dijeni në lidhje me krimin. Por, pavarësisht hetimeve të bëra, ende nuk është bërë e mundur rënia në gjurmët e agresorëve. Ndërkaq, dyshohet se ekzekutorët e Elidon Mehmetit të jenë vrasës me pagesë. Po të njëjtat burime dje bënë me dije se në orët e para të mëngjesit të djeshëm është gjetur një automjet i djegur tek "Ura e Mifolit", në aksin nacional Fier- Vlorë. Mjeti dyshohet se u përket atentatorëve të 39- vjeçarit.
NGJARJA
Rreth orës 23: 00, persona të paidentifikuar ekzekutu- an me breshëri kallashnikovi Elidon Mehmetin, banues në Vlorë. Mësohet se ai ishte duke udhëtuar me automjetin e tij tip "Ford" me targa AA 709 HM drejt banesës së tij, kur u qëllua me armë zjarri nga një tjetër makinë. Dyshohet se Mehmeti është ndjekur nga autorët dhe është qëlluar në një moment kur makina, për shkak edhe të punimeve që po bëhen në zonë, ka qenë në limitet e shpejtësisë. Pasi ka lëvizur për rreth 50 m me makinën ndezur, mjeti është ndalur dhe 39- vjeçari ka tentuar të dalë për të kërkuar ndihmë. Breshëria ka terrorizuar banorët e paktë që janë gjendur afër vendit të ngjarjes në ato momente. Kalimtarët janë afru- ar për ta ndihmuar, ndërsa autoambulanca, e cila ka mbërritur në një kohë të shpejtë e ka shoqëruar në spitalin e Vlorës. 39- vjeçari ka ndërruar jetë në këtë spital për shkak të plagëve të marra. en. me.