Trump, kërkesë gjeneralëve: Më sillni "opsionet" kundër Koresë
Sekretari i Shtetit: Nuk rrëzojmë regjimin e Kim Jong- ut
jenë opsionet që mund t'i prezantohen presidentit Trump, por ekspertët besojnë se sulmet parandaluese mund të jenë njëra prej tyre. McMaster, edhe ky një këshilltar në Shtëpinë e Bardhë, e përshkroi vendimin për devijimin e grupit goditës të Vinsonit drejt detit të Japonisë si "të matur", duke pasur parasysh modelin e sjelljes provokuese të Koresë së Veriut. Duke folur për "Fox News", McMaster tha se: "Është tejet e matur, apo jo? Presiden- ti i mëparshëm dhe presidenti Trump kanë rënë dakord se sjellja e tyre është e papranueshme, por edhe për atë që duhet medoemos denuklearizimi i gadishullit korean. Presidenti na ka kërkuar të jemi të gatshëm, të ofrojmë një sërë opsionesh për ta eliminuar këtë kërcënim". Lajmi vjen pasi Trump urdhëroi goditjen me raketa "Tomahawk" të një baze ajrore siriane gjatë javës së kaluar, duke shënuar herën e parë që Shtetet e Bashkuara shënjestrojnë drejtpërdrejt regjimin e Assad- it gjatë luftës civile 6- vjeçare në Siri. Koreja e Veriut e denoncoi sulmin e Trump- it si një "akt të patolerueshëm agresioni" dhe një të tillë që "justifikon miliona herë shtysën e tyre drejt të qenit një pengesë bërthamore". Të shtunën, admirali Harry Harris, komandant i Komandës amerikane të Paqësorit, devijoi kursin e "USS Carl Vinson" nga Singapori drejt Australisë, për në lindje të gadishullit korean. Grupi goditës i Marinës amerikane pritet "të operojë në Paqësorin perëndimor", në vend që të shkojë drejt porteve australiane, siç ishte planifikuar. Lëvizja e Trump- it vjen një javë pasi ai paralajmëroi Kinën se do të ishte i gatshëm të vepronte edhe i vetëm në zgjidhjen e problemit të Koresë së Veriut. Edhe pse presidenti nuk e bëri të qartë se çfarë zgjidhjeje mund të jepte, Sekretari i Shtetit, Rex Tillerson ka këmbëngulur se nuk ekziston alternativa e rrëzimit të regjimit të Kim Jong- ut.