Kuvendi zgjedh 3 anëtarët e komisionit ad- hoc, por vetingu mbetet i bllokuar
PS- LSI ruajnë mazhorancën, rrëzojnë kandidaturën e kreut të PDIU Debatet, Meta- Idrizit: PDIU s'krahasohet me PS
Mazhoranca miratoi dje në Kuvend ng ritjen e komisionit ad- hoc për komisionin e vetingut. Në seancën e jashtëzakonshme të thirrur prej ditësh nga kryetari i Kuvendit, Ilir Meta, u konfirmua shumica PS- LSI, ndërsa u shtuan pakënaqësitë te PDIU- ja e Shpëtim Idrizit. Opozita mungoi sërish dje, ashtu siç edhe ishte paralajmëruar. Ulsi Manja, Vsilika Hysi nga PS- ja dhe Luan Rama nga LSI- ja do të jenë 3 anëtarët e komisionit, i cili në fakt mbetet i bllokuar për sa kohë nuk ka edhe gjysmën tjetër të anëtarëve, 3 që i takojnë opozitës t'i plotësojë. PD- ja nuk dërgoi në Kuvend asnjë emër për këtë komision. Ndërkohë, PDIU- ja, pas njoftimit të kryetarit të Kuvendit, propozoi edhe ajo kandidatin e saj në këtë komision, kryetarin Shpëtim Idrizi. Por deputetët nuk i kanë dhënë më shumë se 23 vota pro Idrizit, duke e përjashtuar nga komisioni. Më i votuari ishte Luan Rama i LSI- së, me 85 vota pro dhe 1 abstenim. Ulsi Manja i PS- së mori 78 vota pro, 1 kundër dhe 1 abstenim, ndërsa për Vasilika Hysin, gjithashtu e PS- së, shkuan 80 vota pro, 1 kundër dhe 1 abstenim. Në të dyja rastet e votimit të përfaqësuesve socialistë vota kundër ishte e Mesila Dodës dhe abstenimi i Ben Blushit. Ndërsa për Luan Ramën, Doda abstenoi. Në rastin e kreut të PDIU- së, i cili mori 23 vota pro, 7 kundër të deputetëve socialistë dhe 50 abstenime, kryetari i Kuvendit Meta shpjegoi se Idrizi do të votohej si kandidat i katërt, edhe pse mazhoranca mund të zgjidhte vetëm 3 sipas ligjit, pasi 3 i takojnë opozitës.
DEBATI NË KONFERENCËN E KRYETARËVE
Para seancës së Kuvendit, e cila nisi me më shumë se 45 minuta vonesë, Meta thirri Konferencën e Kryetarëve, ku mësohet se ka pasur debate mes tij dhe Idrizit. Burime nga mbledhja thanë se Idrizi kërkoi llogari për përjashtimin e PDIU- së nga vetingu. Kryetari i Kuvendit Meta i ka sqaruar se PDIU- ja
nuk mund të krahasohet me PS- në. Në fund Idrizi mësohet të ketë thënë: "Unë s'tërhiqem nga gara. Dua të votohem në Kuvend". Ndaj në
seancë emri i Idrizit u hodh në votim, por pa arritur të marrë votat e nevojshme. Gjatë seancës pati reagime nga kryetarja e Grupit Par- lamentar të PDIU- së, Mesila Doda, e cila e kundërshtoi procesin. Po ashtu, pas saj foli edhe deputeti Ben Blushi. Kur Blushi kërkoi të fliste, pati në një moment zëra nga PS- ja që i kërkuan Metës të mos ia jepte fjalën. Por Meta u tha: "Unë nuk mund t'ia heq të drejtën për të folur". Por në momentin që Blushi nisi të flasë, kryeministri Edi Rama, ministra të PS- së dhe deputetët socialistë braktisën sallën e Kuvendit. 3 anëtarë të komisionit u përzgjodhën dje, por vetingu s'mund të nisë nga zbatimi pa tre anëtarët e opozitës. Institucionet e rivlerësimit përbëhen nga tre organe: nga Komisioni, nga Kolegji i Apelimit dhe nga dy komisionerë publikë dhe zëvendësit e tyre, në total janë 27 anëtarë të këtyre strukturave. Por, në kushtet kur opozita ka bojkotuar parlamentin, funksionimi i komisionit adhoc mbetet i bllokuar, pasi ka përbërje të barabartë anëtarësh, 3+ 3, nga mazhoranca dhe opozita. Mungesa e përfaqësuesve të opozitës pamundëson edhe vendimmarrjen e tij, dhe për rrjedhojë edhe funksionimin e komisionit ad- hoc.