Doda: U cilësuam opozitë, jemi në qeveri. Vendimi ndikon në koalicion

PDIU kundërshton votimin për komisionin

Deputetja

e PDIU- së, Mesila Doda kundërshtoi dje faktin që kandidatura e kreut të PDIU- së, Shpëtim Idrizi, u la jashtë komisionit ad- hoc. Pas votimit në seancë, Doda u shpreh: "Procesi ishte në kundërshtim me procedurën parlamentare. Dua t'ju bëj me dije se pas shkresës së Kuvendit, ne dërguam përfaqësuesin tonë dhe në një mënyrë krejt të çuditshme erdhën 2 kandidatura nga PS- ja. Së pari, erdhi propozimi që kandidatura jonë të ishte e PD- së. Ne nuk kemi dashur që të jemi pjesë e kësaj farse apo e opozitës së ngritur. Pasi u shkatërrua procesi mes mazhorancës dhe opozitës, pati dhe një krisje mes mazhorancës, me sa duket duan ta kontrollojnë procesin". "Së pari u tentua që kandidatura e grupit të PDIU- së të kalonte sikur ishte kandidaturë e opozitës, dhe sipas interpretimit që zonja Vasilika Hysi bëri, ne do të duhej të ishim ende në opozitë. Ndërkohë që ju e dini shumë që PDIU- ja ka më shumë se dy vite që është e përfaqësuar në nivel ekzekutiv me zv/ ministra dhe drejtorë", - tha Doda. E pyetur nga gazetarët, jashtë sallës së Kuvendit, nëse ky vendim i PS- së cenon marrëdhëniet me PDIU- në, Doda theksoi ky vendim u takon forumeve drejtuese. "Mendoj që kjo është diçka që u takon institucioneve të PDIU- së. Por kjo nuk e ndihmon marrëdhënien mes aleatëve. S'jemi kundër kandidaturave, por procesit. Nuk kam qenë pjesë e atyre që duhej të instaloja dialogun, po le të themi që marrëveshja është respektuar në 1% të saj, duhet t'i jepnin jetë gjysmës së drejtësisë, ar