Basha- Ramës: Në dialog si kryeministër dhe ik i dorëhequr
Kreu i PD: 7 maji, prova për të mos lejuar zgjedhje të kapura nga krimi "Të shmangim çdo kurth që pengon republikën e re"
Kreu i PD- së, Lulzim Basha, mohoi dje të ketë pasur dakordësi për vendin apo për orën e takimit me kryeministrin Edi Rama, në funksion të zgjidhjes së ngërçit politik. Në ' çadrën e lirisë', z. Basha deklaroi se ka pasur dakordësi për temën e dialogut që sipas tij është qeveria teknike, po kryeministri Rama u tërhoq. Para protestuesve ai zbardhi detaje të negociatave për dialog me kryeministrin Edi Rama, për të hedhur poshtë deklaratat e bëra nga kreu i qeverisë se ishte Basha, ai që u tërhoq prej tyre. Për Lulzim Bashën rruga për t'u ulur në dialog është ende e hapur, ndonëse opozita sipas tij, nuk mund të presë pafundësisht. "Kujtoni çfarë ka thënë 5 ditë më parë: ' Më jep vendin, më jep orën'. Ja pra vend dhe orë nuk ka pasur dhe nuk mund të kishte, sepse zgjidhjet e vërteta, jo zgjedhjet fasadë nuk kanë nevojë vetëm për vendin dhe orën siç takohen të dashurit, por kanë nevojë për një përkushtim serioz për të zgjidhur krizën politike. Por lëri lojërat e fjalëve, dialogun e dakordësuam të mërkurën, 6 ditë më parë. U ra dakord që do flitej për formimin e qeverisë teknike dhe mandatin e qeverisë teknike, dy tema që kërkojnë përgatitje serioze, aq më shumë po të kemi parasysh se çfarë dredharaku kemi përballë. Ndaj të nesërmen dhe deri sot ekipi negociues i opozitës ka qenë në gatishmëri të dialogut të vërtetë në funksion të zgjidhjes dhe jo monologë shterpë, që bëhen për të ushqyer emisionet e lajmeve", tha z. Basha. Kreu i opozitës përmendi se rruga e dialogut mbetet e hapur, por Edi Rama do të hyjë në dialog si kryeministër e do të dalë si i dorëhequr. "Në një dialog të tillë mund të vijë dhe duhet të vijë edhe si kryeministër. Nëse ky dialog është i vërtetë, do të ketë produkt qeverinë teknike. Mund të vijë si kryeministër në dialog, këtu në çadër do vijë i dorëhequr. Nuk ka lojëra fjalësh, do të hyjë në dialog si kryeministër, por do të dalë nga dialogu si kryeministër i dorëhequr, që i hap rrugë qeverisë teknike", tha z. Basha. Ai u shpreh i vendo- sur për të mos u tërhequr nga kërkesa për qeveri teknike, ndërsa tha se vetëm kjo është rruga që garanton zgjedhje të lira dhe të ndershme. Duke hedhur poshtë të gjitha pretendimet mediatike se opozita do të futet në zgjedhje, Basha u bëri thirrje aleatëve që të shmangin çdo kurth që i jep oksigjen republikës së vjetër. Për Lul- zim Bashën, kjo qëndresë do të përfundojë vetëm me fitoren e PD- së, por për këtë opozita duhet të jetë e kujdesshme. "Duhet të shmangim çdo kurth, çdo çark, çdo dredhi që ka për qëllim t'i japë oksigjen akoma republikës së vjetër dhe të shmangë, ndalojë apo ngadalësojë projektin e republikës së re", tha ai.
PublikimAnkandi i tretë