PE, Kukan: Ramën, Metën e Bashën do i mbyllja në një dhomë

Mesazhi i Brukselit: Të arrihet marrëveshja mes palëve, na lini t'ju ndihmojmë Fleckenstein: Qeveria teknike nuk është e nevojshme

Brukseli u bën thirrje krerëve të politikës shqiptare që të arrihet një marrëveshje mes palëve për zgjidhjen e krizës në vend përmes besueshmërisë së zgjedhjeve. Ndaj eurodeputeti Eduart Kukan po të kishte mundësi do të mbyllte në një dhomë kryeministrin Edi Rama, kryetarin e Kuvendit, Ilir Meta dhe kreun e opozitës, Lulzim Basha derisa të gjenin një zgjidhje për krizën politike. Gjatë një bisede me gazetarë në Bruksel, Kukan u shpreh ndër të tjera se bojkoti i zgjedhjeve nuk është mënyra e duhur për të luftuar padrejtësitë, ndërsa ka edhe një thirrje për qytetarët. Eurodeputeti Eduard Kukan u bëri thirrje forcave politike në Shqipëri që të arrijnë një marrëveshje politike për të organizuar zgjedhje të besueshme, të lira e të ndershme në vend. "U bëjmë thirrje njerëzve të mos i lejojnë politikanët t'i përdorin për të nisur konflikte. BE- ja ka institucione qe vëzhgojnë zgjedhjet, raportojnë dhe rekomandojnë. ODIHR- i do na thotë se do jenë për zgjedhje në Shqipëri. Na lini t'ju ndihmojmë", - u shpreh Kukan. Ai theksoi më tej, se "e kemi nxitur opozitën që të votojë vetingun në të gjitha nivelet". "E di se afati zyrtar ka përfunduar dhe, me sa kuptoj, ka ende mundësi për t'u regjistruar deri më 29 prill. Ne u themi partnerëve tanë në Shqipëri se e vetmja mënyrë për të dalë politikisht tani në vend, është pjesëmarrja në zgjedhje, është marrëveshja politike e të gjithë aktorëve të rëndësishëm që ulen për t'u marrë vesh se si të organizojnë zgjedhje të besueshme, të lira dhe të ndershme. Kjo është ajo çfarë u themi dhe mbetet mesazhi im sot gjithashtu. Do të jetë shumë keq për vendin, pavarësisht se kush i fiton ato zgjedhje, që të mbahen këto Demokratja Majlinda Bregu shkruan në "FB": "Në Bruksel. Për punë, sigurisht. Takime në Parlamentin Europian, Komision, Këshill dhe EPP". Ajo takoi kreun e Komisionit të Jashtëm në PE, David McAllister, ndërsa do takohet me eurodeputetët Knut Fleckenstein e Eduard Kukan, me Guy Verhofstadt, ishkryeministri belg i cili është një prej zërave më të fuqishëm për Europën e Bashkuar.