Heqja e mandateve të deputetëve, PS kritika Bibës
' Ligjet', Luan Rama: Të ndryshojë dekriminalizimi
Deputetët
e PS- së shprehën dje kritika ndaj kreut të KQZ- së për heqjen e mandateve të deputetëve, ndërkohë që deputeti i LSI- së, Luan Rama kërkoi ndryshim të ligjit të dekriminalizimit, për të qartësuar marrëdhënien mes Prokurorisë së Përgjithshme dhe KQZ- së. Kërkesa e deputetit të LSI së erdhi pasi kryetari i KQZ- së, Denar Biba deklaroi se heqja e mandateve të funksionarëve të lartë është bërë pa pasur dokumentacionin origjinal të dënimit të formës së prerë që kanë marrë jashtë vendit. "Prokurori i Përgjithshëm na ka sjellë rastet e tri mandateve të zotit Dashamir Tahiri, Elvis
Kërkesa e deputetit të LSI- së erdhi pasi kreu i KQZ- së, Denar Biba tha se heqja e mandateve të funksionarëve të lartë është bërë pa pasur dokumentacionin origjinal të dënimit të formës së prerë që kanë marrë jashtë vendit.
Rroshi dhe Shkëlqim Selami, të cilët janë dënuar jashtë vendit për vepra të caktuara. I kemi kërkuar t'i shohim këto vendime, madje seancat kanë qenë publike. Nuk na kanë sjellë aktet përkatëse as sot që po flasim dhe e kemi marrë vendimin në mirëbesim të prokurorisë dhe për pasojë, përgjegjësinë e ka ai organ", deklaroi kreu i KQZ- së, Denar Biba. "Nëse nuk vjen dokumenti, kush mban përgjegjësi? Pastaj ka një detyrim ligjor në marrëdhëniet tuaja me Prokurorinë e Përgjithshme, të plotësohet dokumentacioni, pastaj të merret vendimi. Mirëbesimi në këto çështje nuk ekziston", tha deputeti socialist, Pandeli Majko. "Në vlerësimin tim ka nevojë për të saktësuar më mirë pozicionet dhe autoritetin e in- stitucioneve edhe në ligj, pavarësisht se janë ligje të bëra së fundmi dhe janë bërë nën presion për t'i bërë shpejt dhe me vullnetin e mirë për të zgjidhur një problem që u ngrit si kauzë politike, siç ishte dekriminalizimi. Ligji ka paqartësi dhe krijon kakofoni në rolin dhe autoritetin e institucioneve", tha deputeti i LSI- së, Luan Rama. Deklarata e kryetarit të KQZ- së ka shkaktuar debat mes deputetëve të Partisë së Socialiste, të cilët kërkuan që vendimet të mer- ren bazuar në dokumentacion. "Vendimet duhet të merren në funksion të provave që do të sjellë prokuroria, jo të një shkrese që ka prova për Bashkim Finon. KQZ nuk duhet ta marrë vendimin, po e mori të venë në burg. Është e thjeshtë, të zbatojë rezolutën, ose t'i shkarkojmë. E kemi në dorë; ne i vëmë, ne i shkarkojmë", tha deputeti socialist, Bashkim Fino, duke iu drejtuar kreut të KQZ- së, Denar Biba.