Vrasja e Cukut, verifikim telefonatave të personave të sapodalë nga burgu
"Në sitë" edhe thirrjet e kalimtarëve pranë pallatit ku u ekzekutua ish- komisari Policia kërkon të dhëna nga kompanitë celulare
Policia e Tiranës dhe Prokuroria e Krimeve të Rënda vijojnë hetimet për vrasjen e ish- komisar Artan Cukut, ngjarje e ndodhur mbrëmjen e së shtunës, në pallatin ku ai jetonte. Duke qenë se në vendin e ngjarjes, grupi hetimor nuk ka mundur të mbledhë prova të mjaftueshme që mund të çonin në identifikimin e ekzekutorit, pasi ky i fundit dyshohet të ketë qenë profesionit dhe nuk ka lënë asnjë gjurmë, hetuesit kanë nisur verifikimet për të zbuluar se kush janë personat që kanë lëvizur në zonën e Liqenit Artificial, e konkretisht pranë pallatit ku u vra Cuku. Për këtë gjë, mësohet se grupi hetimor po vijon kontrollet e antenave celulare për të zbuluar detaje të reja që mund t'u shërbejnë në zbardhjen e krimit. Ndërkaq, burime pranë hetuesve sqaruan se kanë kërkuar edhe të dhëna nga kompanitë celulare për të verifikuar bisedat e disa personave të dyshuar si të përfshirë në vrasje, apo edhe persona të tjerë që mund të kenë dijeni për krimin. Kjo, duke u nisur nga disa deklarata që policia ka siguruar nga banorë të pallatit, se pak para vrasjes kanë parë një person me kapele që shkruante diçka në telefon. Burimet e lartpërmendura thanë më tej, se verifikime në biseda janë duke u kryer edhe ndaj personave që kanë pak kohë të liruar nga burgu, ndaj të cilëve është vërtetuar se të shtunën kanë qenë në Tiranë. Dy ditë më parë, sipas ekspertizës biokimike rezultoi se ish- komisari është qëlluar me 4 plumba pas shpine, 2 prej të cilave i ka marrë në kokë.
HETIMET
Pista kryesore e hetimit vijon të jetë ajo për shkak të detyrës. Ndërkaq, hetuesit i kanë shtrirë dyshimet edhe në ndonjë konflikt të mundshëm që 42- vjeçari mund të ketë pasur kohët e fundit për shkak të policisë private që ai administronte, ku dyshohet se mund të ketë pasur përplasje për shkak të konkurrencës për ruajtjen fizike të disa minierave të kromit. Një pistë tjetër e hetimit është edhe e hakmarrjes, pasi në vitin 2005, në Komisariatin Nr. 4, shtetasi Agim Daka vrau veten me armën e Cukut. Gjatë kohës që Artan Cuku ka qenë në detyrë në Vlorë, Fier e Ti- ranë, ka hapur dosje të mbyllura, të cilat janë pasuar me arrestime të reja. Edhe gjatë ditës së djeshme, policia e Tiranës ka vijuar shoqërimet e personave të dyshuar, ndërsa vijojnë hetimet për identifikimin e autorëve. Në vendin e ngjarjes policia gjeti dhe sekuestroi 7 gëzhoja, 5 të Ish- komisari Artan Cuku u vra me 5 plumba. 4 prej plumbave Cuku i kishte marrë në gjoks, ndërsa njërin në kokë. Ngjarja e rëndë ndodhi rreth orës 20: 00 të së shtunës, në afërsi të Liqenit Artificial, në Tiranë. 42- vjeçarit iu bë pritë në hyrje të pallatit ku banonte, ndërsa vetëm pak minuta para vrasjes ai ishte ndarë nga familja e tij.
kalibrit 7.65 milimetër dhe 2 të kalibrit 9 milimetër. Ndërsa vijojnë të mbeten ende në mister plumbat e ndryshëm të sekuestruar dhe nëse autor i krimit ka qenë një person i vetëm dhe ka përdorur dy armë, apo ekzekutorët e Artan Cukut kanë qenë dy persona të ndryshëm.