Skrapar, zbulohet laboratori modern i drogës
Operacioni, arrestohen administratorja Edlira Lame dhe shoferi Muhamet Kadiu. Nën hetim edhe tri gra Fabrika e çantave përdorej për kultivimin dhe përpunimin e kanabisit
Prej dekadash, baronet më të rrezikshme të drogës në Kolumbi janë femrat, të cilat drejtojnë jo vetëm prodhimin, por edhe trafikimin e saj. Duket se iniciativa të tilla po marrin edhe shqiptaret, të cilat gjatë viteve të fundit janë përmendur shpesh në operacionet antidrogë. Një iniciativë e tillë rezulton të jetë marrë edhe nga një sipërmarrëse nga Skrapari, e cila fabrikën e saj të çantave ( fasoneri) e kishte kthyer në një laborator modern për kultivimin dhe të përpunimin e lëndëve narkotike. Bëhet fjalë për 42- vjeçaren Edlira Lame, e cila dje përfundoi në pranga. Më herët në ambientet e fabrikës që administrohej nga Lame prodhoheshin edhe bimë medicinale, ndërsa kohët e fundit ajo e kishte kthyer fabrikën në një biznes më fitimprurës, siç është edhe prodhimi dhe përpunimi i kanabisit. Ndërkohë që 42- vjeçarja nuk punonte e vetme, pasi ajo ka bashkëpunuar me shoferin Muhamet Kadiu, i cili gjithashtu u arrestua. Mësohet se në furgonin e 49- vjçarit janë gjetur të njëjtat pajisje elektrike si brenda fabrikës, që dyshohet se përdoreshin për prodhimin e përpunimin e bimëve narkotike. Laboratori ku u gjet një sasi e konsiderueshme kanabisi e tharë si dhe 2 mijë fidanë të mbjellë në vazo të mëdha u zbulua nga Prokuroria e Krimeve të Rënda mëngjesin e djeshëm në Skrapar. Burime zyrtare nga organi i akuzës bënë me dije se operacioni është kryer në bashkëpunim me strukturat e Drejtorisë Vendore të Policisë Berat në një zonë të thellë ndërmjet Skraparit dhe Beratit, pranë HEC- it të Vlushës. Gjatë këtij operacioni u prangosën Edlira Lame e Muhamet Kadiu, ndërsa ka nisur procedimi penal në gjendje të lirë ndaj S. K. 47 vjeçe; Z. Xh., 45 vjeçe dhe A. Ç., 51 vjeçe, të tria banuese po në Skrapar. Mësohet se zbulimi i këtij laboratori është vazhdim i operacionit të dy javëve më parë në fshatin Lapan të Beratit, ku në një magazinë u gjet dhe u sekuestrua një sasi prej 1.2 tonë kanabis e futur në thasë.
LABORATORI I DROGËS
Nisur nga informacionet e marra në rrugë operative, dy ditë më parë policia lokale ka ushtruar kontroll në një magazinë afër fabrikës që administrohej nga Edlira Lame, por ajo ka rezultuar bosh. Ndërkaq, kontrollet kanë vijuar edhe ditën e djeshme, kësaj here në ambientet e biznesit së 42- vjeçares. Gjatë Policia e Sarandës ka sekuestruar dje 17 kg kanabis sativa, ndërsa ka vënë në pranga dy persona si dhe ka shpallur në kërkim dy të tjerë. Mësohet se janë arrestuar shtetasit: Agron Prenga, 26 vjeç dhe Mariglen Hysenaj, 24 vjeç, të dy banues në Sarandë dhe se po punohet për vënien në pranga të 29- vjeçarit K. L. dhe shtetasin grek A. E., 31 vjeç. Mësohet se sasia e drogës u është gjetur në makinë. Nga hetimet e kryera dyshohet se autorët kishin për qëllim të trafikonin lëndën narkotike drejt Greqisë.
kontrollit të ushtruar në ambientet e fabrikës ( fasoneri) ku prodhoheshin çanta kartoni, verë dhe raki janë gjetur dhe sekuestruar 225 vazo me kanabis. Burimet e mësipërme sqaruan se në këtë fabrikë u gjetën: pajisje elektrike, të cilat dyshohet se përdoreshin për prodhim të bimëve narkotike; rreth 2 kg mbetje bimë narkotike kanabis sativa; 176000 lekë të rinj; 250 paund; 19900 dollarë si dhe 210 fishekë kalibër 7.62 mm. Gjithashtu, gjatë kontrollit të ushtruar në automjetin ( furgon), në pronësi të Mu-
hamet Kadiut u gjetën pajisje elektrike të njëjta me ato, të cilët u gjetën në fabrikë. Dyshohet se shtetasit e mësipërm në bashkëpunim me njëritjetrin në ambientet e fabrikës ushtronin këtë aktivitet të kundraligjshëm. Materialet i kaluan Prokurorisë Pranë Gjykatës së Shkallës së Parë për Krimet e Rënda Tiranë, në ngarkim të shtetasve të mësipërm për veprat penale "Kultivimi i bimëve narkotike", "Prodhim dhe mbajtja pa leje e armëve luftarake dhe municionit" dhe "Grupi i strukturuar kriminal".