T'u themi "ndal" revansheve ideologjike me kostume demokratike
thimi i plotë në liri dhe dinjitet për të gjithë, është mbrojtje nga "dora e shtetit" e nga "grushti i hijeve të zeza" për votë të lirë e të ndershme. Kryeministri Rama dhe mazhoranca duhet të mos tregojnë kokëfortësi:
Trajtimi partizan i problemit nuk përfaqëson interesat legjitime të popullsisë.
- Mashtrimi në politikë është gënjeshtër që ka rrjedhime.
- Poshtërimi i kundërshtarit politik nuk është fitore; është shkatërrimi i gjysmës shqiptare që mendon ndryshe. Është koha t'u themi "ndal" revansheve ideologjike që na shfaqen me kostume demokratike. Shqipëria, atdheu i të gjithë shqiptarëve, i përket demokracisë dhe jo të kaluarës diktatoriale.
Një shtet dhe shoqëri e këtillë nuk mund të ndërtohet mbi padrejtësi! Kështu veproi Europa e qytetëruar e mbas luftës, e që dërrmoi diktaturën fashiste- naziste.
Por absurditeti i një zhvillimi të këtillë shfaqet sot kur sistemi komunist është përmbysur dhe metodat e tij vazhdojnë të aplikohen nga qeveritarë të indoktrinuar që refuzojnë të pranojnë kuptimin e mirëfilltë të pronës private: jetë të lirë e të pavarur nga "shteti" , dhe votën e lirë. Ku vete sot Shqipëria dhe shoqëria shqiptare? Heshtja qeveritare përballë votës së lirë vret; indiferenca vret. Unioni i të Burgosurve dhe të Përndjekurve Politikë, në emër të 100.000 familjeve antikomuniste ish- të përndjekura politike u bën apel qytetar moral mazhorancës dhe opozitës të dialogojnë dhe t'u kthejnë shqiptarëve votën e lirë, të shkatërrojnë fasadat ideologjike të 26vjeçarit. Sot situata politike është si në vitin 1990, dhe në atë vit me protestat e studentëve dhe me dialog vendosëm pluralizmin, sot me dialog të vendosim votën e lirë. Të mos jemi inferiorë përballë komunitetit ndërkombëtar që na përqesh prej 26 vitesh, në çdo kohë zgjedhjesh, duke na thënë "zgjedhjet më të mira se në zgjedhjet e mëparshme, por keni dhe ca detyrime". Shqipëria ka nevojë për morali, dhe jo për diktatin. Ka nevojë për dialogun dhe për solidaritetin njerëzor. Boll me konflikte, se nga konfliktet politike kemi vuajtur boll si popull! Kështu nuk ndërtohet Shqipëria, atdheu i përbashkët i të gjithë qytetarëve! * Apeli i Unionit të të
Burgosurve dhe të Përndjekurve Politikë
shqiptarë