Përgjimet, zyrtarët e VMRO- së: I shpartallojmë shqiptarët
Transkriptimet, Gruevski: Nëse kanë votuar për LSDM, atëherë le të qërohen Prokuroria ka hetuar 45% të regjistrimeve audio
Gruevski dhe partia e tij VMRO janë kundër shqiptarëve, dhe këtë e kanë treguar në shumë raste. Jo vetëm për shkak se refuzoi të pranojë platformën shqiptare dhe nxiti protesta me noto diskriminuese, por edhe sepse gjatë qeverisjes së tij shqiptarët nuk kanë marrë një trajtim të denjë. Dëshminë për këtë e ka publikuar e përditshmja austriake "Der Standard", e cila ka nxjerrë në dritë disa përgjime të Nikola Gruevskit dhe ish- ministrit të Transporteve. Sipas medias në fjalë, nga zbardhja e një pjese të transkriptimeve nga protokolli i përgjimeve në Maqedoni, ka dalë në dritë një bisedë audio e ish- kryeministrit Nikola Gruevski dhe ish- ministrit të Transporteve, Mile Janakievski, mbi zhvendosjen e disa banorëve nga ndërtesa ku parashikohej ngritja e një objekti tjetër. "Shikoje edhe njëherë dhe më trego javës tjetër. Nëse kanë votuar për LSDM- në, atëherë le të qërohen. Nëse nuk votojnë për ne, le të bëjmë punën tonë!" - dëgjohet të thotë Gruevski. Në një përgjim të ish- ministres së Brendshme, Gordana Jankulovska, dëgjohet kërcënimi i saj ndaj shqiptarëve që përbëjnë 25 për qind të popullatës. "Nëse duhet të tregojmë se kush është më i fortë, atëherë mund t'i shpartallojmë ata për një orë", - thotë Janku- lovska, duke nënkuptuar shqiptarët. Transkriptimet i janë dorëzuar Prokurorisë Speciale nga Partia SocialDemokrate e Maqedonisë ( LSDM). Deri tani, ajo ka hetuar 45% të regjistrimeve audio, ndërsa juristët po verifikojnë për të parë nëse ka argumente për shkelje lig- jore. Prokuroria Speciale ka porositur një sistem të ri deshifrimi, i cili mund të hetojë edhe 67 mijë të dhëna që vlejnë si të palexuara. Por për shumë çështje duhet të ndryshohet edhe ligji. "Ne kemi forcën dhe vendosmërinë për të luftuar korrupsionin dhe shpër- dorimin e postit", thotë një nga 3 drejtueset e këtij organizmi, Lence Ristovska. Ndërkohë, në Maqedoni vazhdojnë protestat kundër shqiptarëve, të nxitura nga Gruevski dhe partia e tij VMRO. Iniciativa qytetare "Për Maqedoni të përbashkët" shprehet kundër plat- formës së partive shqiptare për gjuhën shqipe. Protesta antishqiptare, e filluar më 27 shkurt, është në mbështetje të presidentit Gjorge Ivanov, i cili refuzoi të mandatojë kreun e LSDM- së, Zoran Zaev. Organizatorët e saj apelojnë që të mos pranohet platforma shqiptare, sipas tyre "e përgatitur nga Tirana zyrtare me anë të së cilës synohet të dëmtohet karakteri unitar, sovraniteti dhe pavarësia e Maqedonisë". Protestuesit mbajnë simbole të identitetit maqedonas, ndërsa në pankartat e tyre kanë shkrime që mund të nxisin një konflikt ndëretnik. Të këtij mendimi janë edhe ndërkombëtarët dhe analistët politikë, sipas të cilëve, nëse kriza në Maqedoni nuk zgjidhet shpejt, mund të përfundojë në një konflikt të dhunshëm.