Skenari, PD: Jo barriera, por njerëz që protestojnë
Protesta, paralizimi përkohësisht i Shqipërisë, nga veriu në jug të vendit Mosbindja civile, në varësi të arritjes së dialogut
Opozita e djathtë nis të hënën mosbindjen civile në mbarë vendin, por nëse palët nuk arrijnë një marrëveshje në prani të negociatorit të PPE- së, David McAllister, si garanci për zgjedhje të lira më 18 shkurt, protesta mbetet e palimituar. Ende nuk dihet se sa do të zgjasë, ndërkohë që përshkallëzimi i protestës nis të hënën, me bllokimin e përkohshëm të disa prej akseve rrugore në mbarë vendin. Sipas drejtuesve të lartë të PD- së, nuk do të ketë barrierë, por njerëz që do të protestojnë paqësisht ditën e hënë. Përmes një deklarate për mediat, PD- ja dje bëri të qartë se protesta do të jetë paqësore dhe larg dhunës. "Partia Demokratike dhe opozita kanë 64 ditë që protestojnë, pasi mbajtën një nga mitingjet më të mëdha që ka parë ndonjëherë Shqipëria. Të gjitha veprimet e saj kanë qenë paqësore dhe shembull i qytetarisë më të lartë që ka dëshmuar shoqëria shqiptare. Nuk ka pasur asnjë provokim, asnjë incident të vetëm, asnjë prishje të qetësisë apo pronës publike", thuhet në njoftimin e PD- së. Më tej bëhet e ditur se PD- ja nuk ka nevojë për dhunë dhe nuk do të përfshihet kurrë në dhunë. "Kauza e lirisë dhe e demokracisë është kauza më e fuqishme në botë, dhe ne ndihemi të fuqishëm në të drejtën tonë. Edi Rama duhet të mësohet me demokracinë dhe të drejtat e qytetarëve për të protestuar dhe për të shprehur mosbindjen e tyre civile. Referencat e Edi Ramës ndaj 1997- ës janë veprime të dëshpëruara të një njeriu që edhe vetë e di se nuk i ka mbetur më asnjë justifikim për të qëndruar në pushtet, veç ngjalljes së frikës te njerëzit. Frymëzuesit dhe drejtuesit politikë të 1997- ës, Edi Rama i ka në krye të PS- së dhe në Kuvend bashkë me bandat e ' 97ës që po i liron një nga një nga burgu për të ruajtur me ta pushtetin e tij të kriminalizuar", thuhet në deklaratë. Për demokratët, "Protesta e opozitës do ta shpëtojë Shqipërinë nga krimi që ka sjellë Edi Rama. Me besimin te vlerat e demokracisë dhe lirisë, ne do të vazhdojmë qëndresën tonë qytetare me çdo mjet demokratik derisa të sigurojmë zgjedhjet e lira dhe të ndershme". Por PD- ja ka gati planin për bllokimin 1- orësh të trafikut në të gjithë Shqipërinë. Grupe protestuesish do të bllokojnë disa segmente kyçe. Më datë 24 prill, për rreth 1 orë, duke nisur nga ora 11: 00 deri në orën 12: 00, protestuesit e PD- së dhe aleatëve të saj do të bllokojnë superstradën që lidh Tiranën me Shkodrën, përkatësisht në rrethrrotullimin në Fushë- Milot, ku lidhet
pothuajse gjithë veriu me kryeqytetin. Gjithashtu, protestuesit e Partisë Demokratike do bllokojnë qarkullimin e automjeteve edhe në sheshin "Shqiponja" në Tiranë, një ndër akset kryesore hyrëse dhe dalëse në kryeqytet për ver-
iun dhe jugun. Po ashtu do të bllokohet rruga te "Pallati me Shigjeta", po në kryeqytet. Bllokim të akseve rrugore do të ketë edhe në Lushnjë, përkatësisht në autostradën që e lidh këtë qytet me Fierin, në rrethrrotullimin e Plugut. Ndërkohë,
protestuesit do të bllokojnë dhe autostradën që lidh Elbasanin me Rrogozhinën, në rrethrrotullimin e Bradasheshit. PD- ja ka nisur me bllokimin dhe besohet se do të realizohet përmes blloqeve të mëdhenj të betonit që shërbejnë si trafikndarëse.