Protesta paqësore, Basha: Nuk tërhiqemi nga qeveria teknike
Ora që bllokoi Shqipërinë, protesta 60- minutëshe e opozitës së bashkuar Të dyja palët filmuan çdo lëvizje të njëra- tjetrës
Protesta nisi e tension uar, por pa asnjë inci dent. Palët filmuan lëvizjet e njëra- tjetrës, por krejt qetësisht. Në mbyllje demokratët kënduan himnin kombëtar dhe thirrën: "E duam Shqipërinë si gjithë Evropa". Opozita doli dje për një orë nga çadra e protestës përpara Kryeministrisë dhe bllokoi hyrje- daljet e kryeqytetit në një akt të mosbindjes civile. Pesë pika nevralgjike në të gjithë vendin nga veriu në jug u bllokuan nga protestuesit për 60 minuta, duke mos lejuar asnjë automjet të kalojë përveç emergjencave. Protesta shkoi pa incidente dhe nuk pati përplasje mes policisë dhe protestuesve. Forcat e policisë u mjaftuan me disa thirrje me megafon në momentin kur protestuesit e opozitës vërshuan në vendet e paracaktuara për t'u bllokuar dhe nuk ndërhynë për të larguar mbështetësit e PD- së. Njësoj në Tiranë, në Plug të Lushnjës, në Bradashesh të Elbasanit dhe në Rrugën e Kombit në Milot, mijëra vetë njëkohësisht bllokuan lëvizjen e makinave në akset kryesore të qarkullimit. Protesta u drejtua nga deputetët e opozitës, të cilët vazhdimisht u bënin thirrje protestuesve të ishin të qetë dhe të mos i përgjigjeshin asnjë provokimi. Të dyja palët, si protestuesit e Lulzim Bashës, ashtu edhe policia e Edi Ramës filmuan çdo lëvizje të njëri- tjetrit në 5 pikat që u bllokuan. Në ditën e 66- të të protestës, kërkesa e opozitës është e pandryshueshme. Kreu i Partisë Demokratike, Lulzim Basha u ul këmbëkryq bashkë me protestuesit në rreth- rrotullimin tek dogana në Tiranë. Për një orë ai qëndroi bashkë me mbështetësit e PD, në rrugën e bllokuar. "Për zgjedhje të lira dhe të ndershme, me një qeveri teknike", deklaroi kryetari i PD. Z. Basha, i shoqëruar nga bashkëshortja, zgjodhi për të protestuar rreth- rrotullimin tek "Shqiponja". Protesta e opozitës bllokoi për një orë qarkullimin e qytetarëve, por për kreun e demokratëve, kjo është një sakrificë e vogël. "Jemi të bashkuar në këtë
lëvizje kombëtare dhe europiane, të bashkuar në vendosmërinë tonë për të mos ia dorëzuar Shqipërinë krimit dhe drogës, për të mos ia dorëzuar lirinë tonë tiranisë së korrupsionit dhe të krimit në pushtet", theksoi z. Basha. Protesta e opozitës me
bllokimin për 1 orë të transportit kombëtar u zhvillua një ditë përpara mbërritjes në Tiranë të negociatorëve europianë për krizën politike. Basha nuk e ka fshehur se përshkallëzimi i protestës të hënën është vetëm një paralajmërim. "Ky është një parala-
jmërim se vendosmëria e kësaj lëvizjeje popullore, e këtij bashkimi qytetar është e pathyeshme për realizimin e zgjedhjeve të lira dhe të ndershme", theksoi Basha. Në mesditë kur akrepat shënuan 12: 00, mbështetësit e PD- së liruan rrugët duke kënduar Himnin Kombëtar, ndërkohë që lëshuan thirrjet "E duam Shqipërinë si gjithë Europa". Kreu i PD- së, Lulzim Basha, në mbyllje të protestës vlerësoi qëndrimin e protestuesve dhe ecurinë e këtij tubimi. Krahas protestës në Tiranë, deputetë të opozitës dhe protestues bllokuan një nga kryqëzimet e aksit nacional Lushnje- Fier. Protestuesit bllokuan rreth- rrotullimin e Plugut. Në krye të protestuesve që bllokuan rrugën ishin deputetët Arben Ristani, por edhe Kozma Dashi, Bedri Miha, Astrit Veliaj dhe Liljana Elmazi. Ndërkohë, rruga nacionale drejt veriut u bllokua në rreth- rrotullimin e Milotit. Në këtë protestë ishin mbështetës të opozitës, që drejtoheshin nga deputetët Aldo Bumçi, Helidon Bushati, Irma Kopliku, Alban Zeneli dhe Albina Dede. Protestuesit qëndruan në mes të rrugës duke bllokuar trafikun. Pas protestës, Lulzim Basha postoi në "Facebook" një video ironike, që tregon se si bien ndesh deklaratat e Edi Ramës kundër përdhunuesve, me faktin se mes zyrtarëve të lartë të PSsë ka edhe përdhunues. Videoja titullohet "Edi Rama bën thirrje, mos votoni për PS". Basha e poston këtë video në "Facebook"- un e tij me komentin: "Nuk ka nevojë për koment". Kreu i PD- së po dje zhvilloi një takim që zgjati 45 minuta me ambasadorin amerikan në Tiranë, Donald Lu në selinë e Partisë Demokratike. Ky është takimi i tretë i Bashës me Donald Lu që nga fillimi i protestës, më 18 shkurt. Ky takim vjen një ditë para ardhjes së delegacioni europian në Tiranë, me qëllim zgjidhjen e krizës politike.