Pakti "McAllister- Fleckenstein", ku u ndanë Rama dhe Basha
Dështojnë negociatat, BE: Negociatori i Merkel propozoi shtyrjen e zgjedhjeve Eurodeputetët: Nuk do të ketë më negociata
Ndërkombëtarët tërhiqen që ditën e parë të negociatave mes opozitës dhe mazhorancës. Dy zyrtarët e PE- së, David McAllister dhe Knut Fleckenstein përgjatë 7 orëve të qëndrimit të tyre në Tiranë nuk mundën të bindin dot mazhorancën dhe opozitën për të gjetur një zgjidhje të përbashkët e cila të mund të zgjidhë krizën aktuale politike. Zyra e BEsë në Tiranë doli mbrëmë me një deklaratë për mediat ku sqaroi se çfarë ka ndodhur në takimet e djeshme me Lulzim Bashën, Edi Ramën dhe Ilir Metën me David McAllister dhe Knut Fleckenstein. Përmes kësaj deklarate, zyra e Bashkimit Europian në Tiranë zbuloi detaje nga takimet e mbajtura sot nga dy negociatorët Knut Fleckenstein dhe David McAllister. Eurodeputetët paraqitën disa propozime që përfshinin pika mbi dekriminalizimin, luftën kundër narkotikëve, masat teknike për përmirësimin e zhvillimit të zgjedhjeve dhe masat e ndërtimit të besimit politik. "Shumica, - thuhet në njoftim, - ra dakord mbi pikat e parashikuara për sa kohë që vetingu do të votohej në parlament". Partia Demokratike mbajti qëndrimin e saj për emërimin e një kryeministri teknik dhe për miratimin e një sistemi votimi elektronik për hir të zgjedhjeve të lira dhe të ndershme. Negociatorët propozuan gjithashtu ide mbi datën e zgjedhjeve dhe ndryshimet e mundshme parazgjedhore në qeveri, propozime për të cilat shumica mësohet se ra dakord, sa kohë që vetingu do të votohej në parlament. Në këtë mënyrë negociatat mes qeverisë dhe opozitës, me ndërmjetësimin e Parlamentit Europian, nuk ia dolën që të ulnin bashkë në një tryezë dialogu Edi Ramën dhe Lulzim Bashën. Orët e negociatave ishin intensive, por pa produkt të përbashkët. Takimi i parë i David McAllister nga e djathta dhe Knut Fleckenstein nga e majta e Parlamentit Europian, ishte me bashkëkryetarët e koalicionit qeveritar, Edi Rama dhe Ilir Meta. Ata janë njohur me një dokument që synonte përmirësimin e standardit të zgjedhjeve, por që nuk përfshinte si pikë kërkesën e opozitës për qeverinë teknike. Dy zyrtarët e lartë të PE- së përgjatë 7 orëve të qëndrimit të tyre në Tiranë zhvilluar takime të veçanta për mazhorancës dhe opozitën. Pak pas dështimit të negociatave në Pallatin e Kongreseve mes Ramës, Metës, Bashës dhe zyrtarëve të PEsë, kreu i qeverisë mësohet të ketë bërë ofertën e fundit. Burime zyrtare bëjnë të ditur se Rama ka ofruar katër pozicione ministrore për figura teknike në qeveri. Sipas këtij propozimi, ministritë që duhet të kenë ministra teknikë do t'i propozojë opozita, ndërsa emrat t'i zgjedhë kryeministri Rama. Nga ana tjetër, burimet bëjnë të ditur se kreu i PDsë, Lulzim Basha e ka refuzuar ofertën, duke kërkuar një kryeministër teknik në drejtimin e një qeverie teknike. Mësohet se në takimin e dytë me McAllister, opozita ka mbrojtur qëndrimin se negociatat nisin vetëm me formimin e qeverisë teknike, si pika e parë e diskutimeve të tryezës së dialogut. Pala e qeverisë doli më vonë nga takimi, ndoshta, pasi është përcjellë zyrtarisht kërkesa e opozitës. Në orët e mëvonshme, në darkë, negociatorët e BE- së për zgjidhjen e ngërçit politik në Shqipëri, David McAllister dhe Knut Fleckenstein darkuan te vila "Padam" në Tiranë. Darkës së zyrtarëve gjermanë iu bashkuan edhe kryeministri Edi Rama dhe kreu i Kuvendit, Ilir Meta. Në këtë darkë mori pjesë edhe ambasadori i SHBA- ve, Donald Lu si dhe ajo e BE- së, Romana Vlahutin. Në një kohë kur pritej të zgjidhej kriza politike, ndërkombëtarët janë tërhequr që ditën e parë të negociatave mes opozitës dhe mazhorancës. Knut Fleckenstein është shprehur për mediat se nuk do ketë më negociata për zgjidhjen e ngërçit politik. "Nuk do ketë më negociata. Politikanët do përballen me sfida të mëdha. Njoh shumë vende të Evropës që ju mbështesin", - tha Fleckenstein. Ndërkohë, McAllister tha se BE- ja mbështet Shqipërinë dhe se politikanët po përballen me sfida të mëdha. Prej afro 3 muajsh opozita zhvillon protestë në çadrën e ngritur para godinës së Kryeministrisë, ku kërkon dorëheqjen e kryeministrit Edi Rama dhe krijimin e qeverisë teknike për garantimin e zgjedhjeve të lira dhe të ndershme.
Në një kohë kur pritej të zgjidhej kriza politike, ndërkombëtarët janë tërhequr që ditën e parë të negociatave mes opozitës dhe mazhorancës. Knut Fleckenstein është shprehur për mediat se nuk do ketë më negociata për zgjidhjen e ngërçit politik.