Lotot sportive, tarifë ditore, 0.70 euro për çdo pikë
Bastet dhe kazinotë, detyrimet vjetore që duhen paguar nga sot Zbardhet vendimi, pagesa për çdo pikë basti
Bastet sportive do të paguajnë tarifa di tore pa TVSH në vlerën 0.70 euro për çdo njësi, ku njësia është çdo qendër basti. Ndërsa tarifa me përqindje mbi xhiron vjetore që faturon organizatori është 0,5% ose ( 0,005) për mirëmbajtjen e sistemit qendror të monitorimit online.
TABELAT
Zbardhet tabela e plotë me tarifat ditore pa TVSH dhe tarifat me përqindje mbi xhiron vjetore që faturon organizatori për bastet sportive, Lotarinë Kombëtare, si dhe kazinotë elektronike. Tashmë, këto subjekte do të shlyejnë tarifat sipas vendimit të fundit të Këshillit të Ministrave, i cili ka hyrë në fuqi me botimin e tij sot në Fletoren Zyrtare. Konkretisht, vendimi përcakton se për bastet sportive paguhet tarifa ditore pa TVSH në vlerën 0.70 euro për çdo njësi, ku njësia është çdo qendër basti. Ndërsa tarifa me përqindje mbi xhiron vjetore që faturon organizatori është 0,5% ose ( 0,005).
LOTARIA
Sipas vendimit hyn në fuqi sot janë përcaktuar edhe detyrimet e Lotarisë Kombëtare. Tarifa ditore që paguhet është 1.00 euro pa TVSH për çdo njësi, ku njësia është çdo operator, ndërsa tarifa me përqindje mbi xhiron vjetore që faturon organizatori është 0.0%.
KAZINOTË
Qeveria ka miratuar tarifat ditore dhe vjetore edhe për kazinotë. Kazinove elektronike do të paguajnë tarifë ditore 1.25 euro pa TVSH për çdo njësi, ku njësia është çdo aparaturë elektronike, ndërsa tarifa me përqindje mbi xhiron vjetore që faturon organizatori është 0.0% Në mbledhjen e fundit, Këshilli i Ministrave vendosi miratimin e tarifës së mirëmbajtjes së Sistemit Qendror të Monitorimit online, që duhet të paguajnë shoqëritë e licencuara. "Ministri i Financave vazhdon procedurën për lidhjen e kontratës me shoqërinë e shpallur fituese, sipas kushteve teknike, afateve të implementimit të projektit të përcaktuara në ofertën e shpallur fituese. Ngarkohen Ministria e Financave dhe Autoriteti i Mbikëqyrjes së Lojërave të Fatit për ndjekjen dhe zbatimin e këtij vendimi", thuhet në VKM.