Artan Gaçi: Nuk kandidoj për mandat të tretë si deputet
Deputeti
i PS- së, Artan Gaçi njoftoi dje, vendimin e tij final për të mos rikandiduar më si deputet në zgjedhjet e 18 qershorit. Përmes një letre falënderuese për kryetarin e partisë, Edi Rama dhe kreun e grupit parlamentar, Gramoz Ruçi, Gaçi u shpreh: "Me këto falënderime po i paraprij vendimit për të mos kandiduar në një mandat të tretë si deputet, me garancinë se mirënjohja dhe kontributi im për vendin dhe Partinë Socialiste nuk mbyllet me këtë vendim. Përkundrazi, janë të pafundme dimensionet dhe hapësirat për cilindo që do të kontribuojë, të cilat nuk kushtëzohen e as nuk mund të mbyllen vetëm në sallën e parlamentit". "Jam shumë i bindur se do ia dalim të kapërcejmë edhe këtë situatë të vështirë, ku tentojnë të na fusin jo vetëm drejtuesit e Partisë Demokratike, por të gjitha forcat e errëta antishqiptare të aktivizuara në maksimum për të bllokuar këtë rilindje historike të shqiptarëve në Ballkan", - u shpreh Gaçi. "Jam krenar që jam pjesë e kësaj force politike, drejtuar nga Edi Rama, e cila është shpresa dhe garancia e vetme dhe e madhe e çdo shqiptari patriot që e do Shqipërinë pjesë të Europës", - tha deputeti.
Kryetari i Kuvendit, njëherësh edhe kry etar i LSI- së, Ilir Meta do të jetë sot presidenti i ri i vendit me votën unanime edhe të socialistëve. Gjithçka pothuaj u vendos qysh mbrëmë, pas konsultave të vazhdueshme mes drejtuesve të PS- së dhe të LSI- së. Pritet që sot në orën 17: 00 të kryhet vetëm votimi formal në Kuvend, në raundin e katërt të procesit, ashtu siç e parashikon Kushtetuta e vendit. Ndërkohë, vetë Meta pas zgjedhjes së sotme, mund të qëndrojë ligjërisht si kryetar i LSI- së deri më 24 korrik, kur ai zyrtarisht merr mandatin e ri. Në këtë datë ai duhet të shkëpusë raportet me partinë që e krijoi vetë. Në fakt, në raundin e katërt presidenti zgjidhet me 71 vota, të cilat vetë PSja i ka të sigurta, siç deklaroi dhe kryetari i grupit parlamentar socialist, Gramoz Ruçi dje në seancë. E megjithatë, negociatat për një emër të përbashkët të mazhorancës vijuan pasditen e djeshme. Dy kryetarët e grupeve parlamentare të PS- së dhe të LSI- së njoftuan të gjithë deputetët të mos mungojnë sot në seancë, për votimin e katërt për kreun e ri të shtetit. Emri i Ilir Metës për president të vendit, mësohet se është diskutuar qysh mbrëmjen e së mërkurës.
KONSULTIMET
Në orët e para të ditës, dje Meta e Rama u takuan sërish për rreth gjysmë ore, para seancës së zakonshme të Kuvendit. Ndërkohë që