Sekuestrohen 97 kg kanabis në Karaburun
VLORE - Policia e Vlorës ka sekuestruar një sasi prej 97 kg kanabis sativa në Karaburun, e cila dyshohet se do të trafikohej. Mësohet se të enjten, Policia e Vlorës në bashkëpunim me Delta Force dhe Policinë Kufitare gjatë kontrollit të territorit tokësor dhe ujor përreth Gadishullit të Karaburunit, kanë konstatuar brenda në det një sasi me lëndë narkotike, afër vendit të quajtur "Gjiri i varkave". Sipas bluve, droga u gjet e ndarë në 4 pako të përmasave të ndryshme, të mbështjella me qese plastike transparente. Policia bëri sekuestrimin e lëndës narkotike në cilësinë e provës materiale, ndërsa po punohet për kapjen e autorëve.