Protesta e 7 majit në Kavajë, Policia e Shtetit kërkon ndihmë nga prokuroria
Në zgjedhje, policia të ndërhyjë vetëm me kërkesë të KZAZ
Kur
na ndan vetëm një javë nga zgjedhjet e parakohshme në Kavajë, policia nuk e gjen të përcaktuar në ligj mënyrën sesi duhet të veprojë për t'i monitoruar ato, ndërkohë që opozita bën thirrje për të protestuar pikërisht në ditën e zgjedhjeve në Kavajë. Në Kodin Zgjedhor ndalohet mbajtja e tubimeve gjatë ditës së zgjedhjeve, megjithatë kreu i opozitës, Lulzim Basha bën thirrje të herëpashershme se këto zgjedhje do të pengohen nga një protestë e opozitës. Referuar Kodit Zgjedhor, gjatë mbajtjes së zgjedhjeve, policia duhet të qëndrojë e grumbulluar në komisariate dhe mund të ndërhyjë vetëm me kërkesë me shkrim nëse ndonjë KZAZ ka nevojë për mbështetjen e saj. Kërkesa për ndërhyrjen e policisë duhet të mbajë firmat e 3 komisionerëvem raportoi “News24”. Por, nëse më 7 maj mbahet protesta e paralajmëruar e opozitës në Kavajë, policisë i duhet të dalë në terren për të ruajtur rendin dhe sigurinë, duke shkelur Kodin Zgjedhor, i cili ia ndalon daljen në terren ditën e zgjedhjeve. Në këtë situatë policia kërkon ndërhyrjen e prokurorisë, e cila duhet të shqyrtojë materialet e referuara para ditës së zgjedhjeve. Ndërkaq, policia e Tiranës ka referuar në prokurori materialet për kreun e opozitës, Lulzim Basha, me akuzën e "Thirrjes publike për veprime të dhunshme" dhe "Pengim të subjekteve zgjedhore", në bashkëpunim. Prokurorisë i janë vënë në dispozicion edhe pamje filmike ku kreu i opozitës lajmëron mba- jtjen e kësaj proteste. Sipas policisë, "pengimi i subjekteve zgjedhore" parashikohen si krim kundër rendit kushtetues dhe ka një penalitet nga gjobë deri në tre vjet burg për individë të caktuar.