Lotaria amerikane, si të verifikoni që keni fituar pa numrin e konfirmimit
Sot dalin përgjigjet për Programin e Lotarisë DV- 2018, 50 mijë fitues nga e gjithë bota Në Shqipëri, çdo vit fitojnë 3- 4 mijë
Pavarësisht politikave kundër emigrantëve të Donald Trump, lotaria amerikane vazhdon, të paktën edhe këtë vit. Rreth 50 mijë persona do të jenë fitues, nga qindra- mijëra aplikantë nga e gjithë bota. Sot dalin përgjigjet e Programit të Lotarisë DV- 2018 dhe aplikantët e tetorit të vitit që shkoi mund të zbulojnë nëse janë apo jo fitues. Sipas njoftimit të Ambasadës Amerikane, njoftimi zyrtar i përzgjedhjes do të kryhet drejtpërdrejt nga vetë qytetarët, përmes Kontrollit të Statusit të Aplikimit Online ( Entrant Status Check) dhe nuk do të ketë asnjë njoftim përmes email- it. Për të verifikuar nëse jeni apo jo i përzgjedhur, ju duhet të përdorni numrin tuaj të konfirmimit për të hyrë te Kontrolli i Statusit të të Regjistruarve ( Entrant Status Check), që bëhet aktiv në faqen e internetit të E- DV- së, www. dvlottery. state. gov nga sot ( nga 2 maji 2017 deri në 30 shtator 2018), në orën 18: 00. Kontrolli i Statusit të të Regjistruarve është mënyra e vetme që do t'ju njoftojë për përzgjedhjen, do t'ju ofrojë udhëzime të mëtejshme sesi të vazhdoni aplikimin, do t'ju njoftojë për datën dhe orën e takimit të intervistës për vizë. Faqja e vetme e internetit e autorizuar nga Departamenti i Shtetit për regjistrimin e Vizës së Shumëllojshmërisë dhe për të Kontrolluar Statusin e të të Regjistruarve ( Entrant Status Check) është www. dvlottery. state. gov. Pikërisht në këtë faqe mund të verifikoni edhe nëse nuk jeni një ndër 50 mijë fituesit.
VERIFIKIMI PA NUMRIN E KONFIRMIMIT
Jo të gjithë aplikantët e lotarisë arrijnë të ruajnë numrin e tyre të konfirmimit, i cili jepet menjëherë pas aplikimit online. Megjithatë, edhe nëse e keni humbur, ka ende shpresë për të qenë një ndër fituesit. Nëse e keni humbur numrin tuaj të konfirmimit që të hyni te Kontrolli i Statusit të të Regjistruarve, ka një mënyrë për ta rifituar atë. Një buton është tani në dispozicion në Kontrollin e Statusit të të Regjistruarve ( ESC) në faqen e internetit EDV, që do t'ju lejojë të rifitoni numrin tuaj të konfirmimit përmes adresës së regjistruar të postës elektronike ( email), duke plotësuar informacione të caktuara personale për të konfirmuar identitetin tuaj. Ambasadat dhe konsullatat e SHBA- ve dhe Qendra Konsullore në Kentucky nuk janë në gjendje që të kontrollojnë statusin tuaj të regjistrimit për ju, apo të sigurojnë numrin tuaj të konfirmimit te ju direkt ( përveç butonit gjetës nëpërmjet ESC). Departamenti i Shtetit nuk mundet të sigurojë një listë të atyre që përzgjidhen për të vazhduar procesin e vizave.
TË PËRZGJEDHURIT
Për DV- 2018 janë në dis- pozicion 50.000 viza DV. Për shkak se ka të ngjarë që një pjesë e 50.000 aplikantëve të përzgjedhur nuk do të kualifikohen, ose nuk do të ndjekin ( vazhdojnë) rastet e tyre për lëshimin e vizave, më shumë se 50.000 regjistrime do të përzgjidhen për të siguruar që të gjitha vizat e vëna në dispozicion për lotarinë të jenë lëshuar. Gjithsesi, kjo gjithashtu do të thotë se mund të mos ketë një numër të mjaftueshëm vizash për të gjithë ata që janë përzgjedhur fillimisht. Ju mund të kontrolloni nëpërmjet Statusit të të Regjistruarve ( Entrant Status Check) dhe në faqen e internetit të E- DV- së nëse jeni përzgjedhur për procesim të mëtejshëm, si dhe për radhitjen e tyre në listë. Intervistat për programin e DV2018- s do të fillojnë në tetor 2017 për ata të përzgjedhur, të cilët kanë dorëzuar të gjithë dokumentacionin e kërkuar para intervistës dhe informacion tjetër, siç mund t'iu jetë kërkuar në udhëzimet e njoftimit. Të përzgjedhurit të cilët plotësojnë informacionin e kërkuar në udhëzime, do të informohen për datën e intervistës së tyre për vizë nëpërmjet Kontrollit të Statusit të të Regjistruarve në faqen e internetit të E- DV- së katër deri në gjashtë javë para intervistës së planifikuar me zyrtarët konsullorë të SHBA- ve në vendet e huaja. Çdo muaj do të lëshohen viza për aplikantët që kualifikohen gjatë atij muaji, aq sa lejon numri në dispozicion për lëshimin e vizave. Pasi të gjitha 50.000 vizat për lotari të jenë lëshuar, programi do të përfundojë. Në parim, numrat e vizave mund të përfundojnë përpara shtatorit 2018.