Zgjedhja e Metës president, LSI mbledh konventën, Vasili kryetar
Replika Kryemadhi- Rama për gratë në lista
do të mbledhë sot në orën 16: 30 Konventën Ko mbëtare për të zgjedhur kryetarin e ri të partisë, pas zgjedhjes së Ilri Metës President i Republikës. Edhe pse tashmë dihet se Petrit Vasili është më i votuari dhe pasuesi i Metës në parti, zyrtarisht ai do ta marrë këtë funksion në këtë konventë. Eventin do ta hapë ministrja për Integrimin Evropian, Klajda Gjosha, njëkohësisht kryesuesja e listës së kandidatëve për deputetë të Lëvizjes Socialiste për Integrim në qarkun e Tiranës. Konventën e LSI- së do ta përshëndesë edhe kryetari Kuvendit, z. Ilir Meta pas fjalës së hapjes nga znj. Gjosha. Në konventë do të mbajnë fjalë përshëndetës edhe zëvendëskryetari i LSI- së, Petrit Vasili; kryetarja e Lëvizjes Rinore për Integrim, Floida Kërpaçi; deputetja e LSI- së, znj. Monika Kryemadhi etj. Konventa pritet të shqyrtojë edhe propozimin që deputetja Monika Kryemadhi të zgjidhet zëvendëskryetare të LSI- së. Kryemadhi dje replikoi edhe me nënkryetarin e partisë, Luan Rama sa i takon kuotës për femrat në listat e partisë. "Ndjej keqardhje dhe revoltë kur shoh që edhe një drejtues i lartë i partisë ku unë bëj pjesë mendon se përfaqësimi i grave në parlament është çështje kuotash. Jo i dashur Luan, LSI është parti vlerash dhe nuk i ndan ato në bazë të gjinisë, por të kontributeve. Gjoba që je treguar i gatshëm të paguash në KQZ duhet ankimuar dhe denoncuar si një akt diskriminimi për punën dhe angazhimin që këto gra e vajza kanë dhënë për LSI, gjë që ti dhe unë e dimë më mirë se çdo KQZ apo institucion tjetër", i tha Kryemadhi, Luan Ramës.