Grabitja në Rinas, prokuroria kërkon dy vite burg për drejtuesin teknik të kompanisë private
Dy vite shërbim prove për 5 punonjësit e tjerë
Prokuroria
e Tiranës kërkoi dje dënimin me 2 vite burg për Fatmir Gapin, drejtuesin teknik të kompanisë private të sigurisë, që transportonte paratë e një banke të nivelit të dytë drejt aeroportit të Rinasit, të cilat u grabitën më 9 shkurt të këtij viti. Gjithashtu, në pretencën e saj, organi i akuzës kërkoi edhe dënimin me kusht për 2 vjet, për 5 punonjësit e tjerë të po kësaj shoqërie private të sigurisë fizike, dy prej të cilëve ishin edhe drejtuesit e blindave me
NGJARJA
Grabitja e blindit me para që ishin duke u transportuar drejt aeroportit të Rinasit ka ndodhur rreth orës 13: 24 të datës 9 shkurt 2017, në segmentin rrugor QafëKashari - Rinas. Autorët vodhën nën kërcënimin e armëve blindat e një shoqërie private të sigurisë fizike dhe më pas u larguan prej andej, makina e të cilëve u gjet më pas e djegur.
para që u grabitën me armë. Konkretisht, prokuroria i kërkoi Gjykatës së Tiranës dënimin me shërbim prove për një periudhë 2- vjeçare për shtetasit Xhelil Metaj,
Gentian Dedja, Përparim Logu, Endrit Daçi dhe Dashamir Balla. Gjashtë personat e lartpërmendur u arrestuan pas grabitjes së 3.2 milionë eurove që ishin duke u transportuar për në Rinas. Sipas organit të akuzës, këta persona akuzohen për "Shpërdorim detyre". Konkretisht, ata akuzohen se kanë neglizhuar në kryerjen e detyrës duke u dhënë mundësi grabitësve të merrnin paratë. Ndërkohë, po për këtë ngjarje, Prokuroria e Krimeve të Rënda po vijon hetimet për të zbuluar autorët e tjerë të përfshirë në grabitje, pasi deri më tani numri i personave të arrestuar është 8. Të arrestuarit janë Fation Xhyliu, Neim Avdulaj, Ditjon Memlika, Admir Çerpja, Dash Kupa, Ernest Kupa, Aleksandër Murataj dhe Dritan Sinanaj. Kurse në kërkim vijojnë të jetë Admir Murataj, i cili deri më tani rezulton të jetë edhe kreu i kësaj bande. Grabitja u zbardh nga dëshmitë e dy të penduarve të bandës, Admir Çerpja dhe Ditjon Memlika.