Prokuroria, gjykatës: Konfisko 2.1ml m2 prona të Fatmir Kajollit
Vlera e aseteve të familjes së tij arrin në rreth 1.1 miliardë lekë të reja "I ka përfituar me para droge në Itali"
Prokuroria për Krime të Rënda ka dërguar në gjykatë kërkesën për konfiskimin dhe kalimin në favor të shtetit të pasurisë rreth 2.1 milionë metra katrorë troje, tokë arë, pyje dhe ndërtim, të regjistruara në emër të familjarëve të shtetasit Fatmir Kajolli, në Fier. Gjithashtu, organi i akuzës kërkon konfiskimin edhe të tre shoqërive tregtare, të regjistruara po në emër të familjarëve të ngushtë të shtetasit Fatmir Kajolli. Konfiskimi i kësaj pasurie është bërë, pasi ai akuzohet se i ka siguruar këto pasuri në bazë të të ardhurave të siguruara nga aktiviteti i tij i paligjshëm në Itali, ku rezulton se është dënuar 2 herë për veprat penale "Pjesëmarrje në shoqatë kriminale, trafikim, prodhim dhe posedim të lëndëve narkotike dhe substancave psikotrope" dhe "Pjesëmarrje në organizatë kriminale dhe shkelje e ligjit për lëndët narkotike". Sipas prokurorisë, në bazë të aktit të ekspertimit, vlera e aseteve në pronësi, kryesisht të ish- bashkëshortes së Kajollit, shtetases Majlinda Çuko, arrin në vlerën e rreth 1.1 miliardë lekëve të reja.
HETIMI
Në bazë të hetimit pasuror, rezulton se vetëm një pjesë e vogël e pasurisë së familjarëve Kajolli është përfituar në bazë të një kontrate shitblerjeje. Konkretisht, rezulton se shtetasja Majlinda Çuko ka blerë nga bashkëshorti i saj, Fatmir Kajolli, truallin me sipërfaqe 4500 m2 dhe ndërtesën me sip. 1686 m2, në vlerën 900.000 lekë. Kjo vlerë shitjeje është shumë herë më e ulët sesa ka rezultuar nga një vlerësim i saj, i bërë nga vetë familjarët Kajolli, gjatë procesit për marrjen e një kredie. Sipas vlerësimit të realizuar nga ekspertë të zgjedhur prej familjarëve Kajolli, vlera e truallit dhe ndërtesës ishte 450.000 euro. Po ashtu, Majlinda Çuko rezulton se ka blerë edhe pasurinë pyll, me sip. 580.000 m2, me vlerë 60.000.000 lekë. Ndërsa, e gjithë pjesa tjetër e pasurisë, e cila llogaritet në rreth 1.5 milionë m2 katrorë pyje e tokë arë, rezulton se është e fituar nga sh- Fatmir Kajolli akuzohet se i ka siguruar këto pasuri në bazë të të ardhurave të siguruara nga aktiviteti i tij i paligjshëm në Itali, ku rezulton se është dënuar 2 herë për veprat penale "Pjesëmarrje në shoqatë kriminale, trafikim, prodhim dhe posedim të lëndëve narkotike dhe substancave psikotrope" dhe "Pjesëmarrje në organizatë kriminale dhe shkelje e ligjit për lëndët narkotike".
tetasja Majlinda Çuko ( Kajolli) në bazë të akteve të dhurimit.
PROVAT
Prokuroria për Krime të Rënda ka arritur të sigurojë provat e mjaftueshme se kontratat e dhurimit janë të gjithë të kryera në mënyrë fiktive. Këto prona, fillimisht janë përfituar nëpërmjet akteve të Agjencisë së Kthimit dhe Kompensimit të Pronave nga shtetasi Q. D. Ky person, në veprimet e tij me Agjencinë, është përfaqësuar ligjërisht nga ana e shtetasit Fatmir Kajolli. Pasi ka regjistruar pronat në emrin e tij, shtetasi Q. D. ka kryer veprime shitblerjeje me disa persona të tjerë për pjesën më të madhe të pasurisë. Më tej, si shtetasi Q. D., ashtu edhe blerësit e rinj të këtyre pronave, ia kanë dhuruar të gjitha trojet, pyllin dhe tokën arë, shtetases Majlinda Çuko ( Ka-
jolli). Të gjitha veprimet, nga vendimet e Agjencisë së Kthimit të Pronave dhe deri tek aktet e dhurimit në favor të Majlinda Çukos, janë kryer në një afat të shkurtër, disamujor, në vitin 2010. Nga hetimi i Prokurorisë për Krime të Rënda ka rezultuar se, edhe për pronat e siguruara në bazë të kontratës së shitblerjes, familjarët Kajolli nuk kanë pasur të ardhura të ligjshme të cilat mund të justifikonin blerjen e aseteve. Kompanitë private, të regjistruara në emër të familjarëve Kajolli, kanë siguruar fitime minimale, të cilat nuk plotësojnë vlerën e aseteve të blera. Kështu, në përfundim të hetimit pasuror, Prokuroria për Krime të Rënda kërkon nga gjykata konfiskimin e pasurive të paluajtshme dhe atyre të luajtshme të regjistruara në emër të familjarëve të shtetasit Fatmir Kajolli. emër të Majlinda Çuko ( Kajolli), dhuruar. Arë me sipërfaqe 72.200 m2, në emër të Majlinda Çuko ( Kajolli), dhuruar. Arë me sipërfaqe 54.200 m2, në emër të Majlinda Çuko ( Kajolli), dhuruar. Tokë arë me sipërfaqe 3.000 m2, në emër të Majlinda Çuko ( Kajolli), dhuruar. Tokë pyll me sipërfaqe 90.000 m2, në emër të Majlinda Çuko ( Kajolli), dhuruar. Tokë pyll me sipërfaqe 11.440 m2, në emër të Majlinda Çuko ( Kajolli), dhuruar. Tokë pa frut me sipërfaqe 11.440 m2, në emër të Majlinda Çuko ( Kajolli), dhuruar. Tokë pa frut me sipërfaqe 1.000 m2, në emër të Majlinda Çuko ( Kajolli), dhuruar. Tokë inproduktive me sipërfaqe 840.000 m2, në emër të Majlinda Çuko ( Kajolli), dhuruar. Tokë pa frut me sipërfaqe 67000 m2 në pronësi të Majlinda Minella Çuko ( Kajolli), dhuruar.
PASURI TË LUAJTSHME
Shoqëria "Citadella" sh. p. k, me NIPT K42611404J, e regjistruar në Gjykatën e Rrethit Gjyqësor Tiranë me nr. 30975 vendimi, datë 10.02.2004, kapitali 100.000. Shoqëria "ABA 2011" sh. p. k, me NIPT L12526403C, e regjistruar në QKR, kapital 100.000. Pjesën që i takon shtetasit Florim Kajolli në shoqërinë "INTERNATIONAL PARKING 2011" sh. p. k, me NIPT L13222401F, e regjistruar në QKR.