Rama- Basha, pa marrëveshje as pas takimit të dytë

Dështojnë negociatat, kryeministri pa ofertë, PD kërkon 6 muaj për zgjedhjet Ngërçi, negociatat nuk ndërpriten nga palët

Kryeministri Edi Rama dhe kryedemokrati Lulzim Basha u takuan dje për herë të dytë për 120 minuta në zyrën e presidentit Nishani, por sërish pa asnjë rezultat. Kjo, për shkak se kryeministri nuk ndryshoi ofertën e dy ditëve më parë për t'i dhënë opozitës zv. kryeministrin dhe 3 zv. ministra teknikë, të cilën kreu i PD- së nuk e ka pranuar. Mësohet se z. Basha ka kërkuar krijimin e qeverisë teknike, shtyrjen e zgjedhjeve me gjashtë muaj, kohë që sipas tij duhet që të organizohet votimi dhe numërimi elektronik, gjë që nuk është pranuar nga Rama. Takimi mes dy liderëve në prani të kreut të shtetit nisi në orën 19: 05 dhe përfundoi në orën në 21: 00, por në fund nuk prodhoi asnjë rezultat. Të dyja palët edhe njëherë u rikthyen në pikën zero. Kryeministri Rama u shpreh se i qëndron ofertës që ka bërë dje për PD, por Basha nuk e pranoi duke deklaruar se nuk heq dorë nga qeveria teknike dhe votimi elektronik. Takimi i djeshëm, ashtu edhe si takimi i parë mes tyre u ndërmjetësua nga Presidenti i Republikës, Bujar Nishani. Megjithatë, Rama dhe Basha pas përfundimit konfirmuan se negociatat nuk janë mbyllur dhe mund të zhvillohet një takim i radhës. Ndryshe nga dy ditë, në takimin e dytë nuk morën pjesë Gramoz Ruçi dhe Edi Paloka. Takimi i djeshëm është takimi i dytë brenda 48 orësh mes tyre në përpjekje për të negociuar zgjidhjen e krizën politike në vend. Negociatori i takimit të djeshëm mes Ramës dhe Bashës është ambasadori i SHBA, Donald Lu, i cili zhvilloi dy takime me kryeministrin, ndërsa ishte në kontakt me kreun e PD gjatë gjithë paradites së djeshme. Ndërkohë që Basha zhvilloi rreth mesditës një takim për rreth 90 minuta me ambasadorët e BE, por jo me zj. Vlahutin. Rama dhe Basha dështuan të arrinin marrëveshjen për zgjidhjen e ngërçit politik në vend ditën e mërkurë dhe u ngritën pa zgjidhje nga tryeza e presidentit pas plot tri orësh. Kreu i PD- së, Basha mësohet të ketë parashtruar menjëherë kërkesën për qeveri teknike. Një qeveri pa Ramën kryeministër, që të përgatisë zgjedhjet e përgjithshme, të cilat Basha ka kërkuar që të shtyhen për një datë tjetër. Por në këto kushte, kryeministri Rama është përgjigjur duke thënë se nuk jep dorëheqjen dhe nuk ka qeveri teknike. Po ashtu, ai mësohet të ketë refuzuar shtyrjen e datës së zgjedhjeve përtej 18 qershorit. Mësohet gjithashtu se kryeministri Rama nuk i

ka ofruar kreut të opozitës as 4 ministrat që ishin pjesë e paketës së hartuar nga negociatorët David McAllister dhe Knut Fleckenstein. "Nuk ka kohë që të implementohen ndryshimet në qeveri", ka deklaruar Rama. I vetmi propozim i Ramës pas kësaj ka qenë ai për të ndërhyrë në Kushtetutë. Ndërhyrjet kanë të bëjnë me sanksionimin në Kushtetutë të ndryshimeve në qeveri 2 ose 3 muaj para zgjedhjeve, por që këto të kenë fuqi për zgjedhjet e tjera, pas atyre të 18 qershorit. Rama ka propozuar edhe formimin e një ministrie të posaçme për

implementimin e këtyre propozimeve dhe teknikaliteteve që kanë të bëjnë me zgjedhjet. Por, propozimet nuk janë pranuar në tryezë dhe palët janë ngritur pa marrëveshje. Palëve që herët iu ofrua paketa "McAllister" për të gjetur një zgjidhje të përbashkët. Kjo paketë është një dokument rreth një faqe e gjysmë format, hartuar nga misioni i OSBE- së, SHBA dhe BE dhe që iu paraqit palëve në negociatat e ndërmjetësuara mes Ramës dhe Bashës nga përfaqësuesi i PPE- së. Në të ka 5 çështje kryesore, që lidhen me standardet e Aleati i PD- së, Dashamir Shehi akuzon kryeministrin Edi Rama se nuk do zgjidhjen e krizës dhe po tallet me opozitën. "Rama po tallet dhe bën sikur do të negociojë, por në realitet duket që nuk e ka seriozisht, duke parë edhe ofertën e tij. Rama në njëfarë mënyre është tallur, ku bën sikur do të negociojë, por në fakt ai s'do të negociojë. Ajo që ofron atje është një sharlatanizëm", tha Shehi

zgjedhjeve. Një nga pikat është ndryshimi i KQZ- së. Ata rekomandojnë që kreu i këtij institucioni t'i jepet opozitës. Pika tjetër ka të bëjë me shitblerjen e votës, që çon në ndryshimin e Kodit Zgjedhor dhe Kodit Penal. Një pikë tjetër ka të bëjë me ndryshimin e policisë. Kjo është një pikë delikate, që është propozuar nga misionet ndërkombëtare si bazë për dialog. Lëvizje të caktuara në polici mund të bëhen për të rifituar besimin e opozitës se policia nuk do të ndërhyjë në procesin zgjedhor dhe do të luftojë trafikun e drogës.