Skandali, karta e shëndetit zëvendësohet me një copë letër
FSDKSH: Do zgjidhet për pak ditë, procedurat e tenderimit janë në përfundim Situata, mbi 6 muaj në qendrat shëndetësore
Qendrat Shëndetësore në Tiranë nuk i paji sin qytetarët me karta shëndeti, por në vend të saj u japin një fletë formati A4. Në të shënohen të gjitha të dhënat, duke filluar me emrin, mbiemrin, numrin personal, kodin e pacientit apo emrin e mjekut të familjes. Ndërkohë që, kjo letër është duke zëvendësuar dokumentin më të rëndësishëm, që të mundëson marrjen e shërbimit në sistemin shëndetësor shqiptar. "U çudita kur më dhanë këtë letër në dorë, por më thanë se ka të njëjtën vlerë me kartën e shëndetit", - thotë një qytetare e Tiranës.
PROBLEMATIKA
Prej datës 30 prill 2016, karta e shëndetit ka zëv- endësuar librezën shëndetësore. Ndërkohë që, zbatimi i këtij projekti u lançua si një nga më të suksesshmit në sektorin shëndetësor. Sipas Fondit të Sigurimit të Detyrueshëm të Kujdesit Shëndetësor, përdorimi i saj ka sjellë një sërë lehtësish jo vetëm në përmirësimin e cilësisë së shërbimit ndaj qytetarëve, por edhe të dhënies së një pasqyre të qartë të të gjitha grupmoshave dhe kategorive të përfituesve që paraqiten për të marrë shërbim pranë mjekut të familjes. Por, pas një viti duket se këtij projekti nuk po i kushtohet rëndësia e duhur. Sipas drejtuesve të qendrave shëndetësore, shkak për mungesën e kartave të shëndetit është moskryerja e proceduarve tenderuese, pavarësisht faktit se kjo situatë zgjat për më tepër se 6 muaj. "Po hum- basim besimin te pacientët, pasi e shohin si mungesë serioziteti mungesën e kartës së shëndetit", - tha një mjeke familjeje në lidhje me këtë problem të zgjatur në kohë.
Ndërkaq, i kontaktuar nga "Gazeta Shqiptare", Fondi i Sigurimit të Detyrueshëm të Kujdesit Shëndetësor, tha se problemi do të zgjidhet për pak ditë, pa thënë saktësisht se kur priten të gjenerohen kartat e shëndetit. "Karta e shëndetit po printohet me A4, që të mos mungojë shërbimi, ndërkohë është në përfundim procedura e tenderimit dhe për çështje ditësh situata do të zgjidhet", tha zyrtarisht FSDKSH. Referuar legjislacionit në fuqi, të drejtën për t'u pajisur me kartë shëndeti e kanë të gjithë të siguruarit: pensionistët, veteranët, invalidët, të punësuarit, të vetëpunësuarit, të siguruarit vullnetarisht, fëmijët, gratë shtatzëna, personat që trajtohen me ndihmë ekonomike, punëkërkuesit, viktimat e trafikimit etj.