ALUIZNI, lista me pronarët që marrin 125 milionë lekë kompensim

Tokat e zëna nga ndërtimet pa leje, dokumentet që duhen dorëzuar në ATP Përfituesit në Tiranë, Berat, Gjirokastër, Lezhë, Durrës, Korçë, Fier e Elbasan

Publikohet lista me pr onarët që u është zënë toka nga ndërtimet pa leje dhe marrin kompensimin, me një fond të përgjithshëm prej 125 milionë lekësh për kompensimin e pronarëve në Tiranë, Berat, Kuçovë, Gjirokastër, Tepelenë, Kukës, Has, Lezhë, Durrës, Korçë, Kolonjë, Fier, Elbasan, Librazhd dhe Peqin. ALUIZNI publikon listën me përfituesit, ku përcaktohet edhe fondi i kompensimit financiar, i cili është 125 106 277,75 lekë. Ndërkohë, pronarët që përfitojnë kompensimin duhet të aplikojnë në Agjencinë e Trajtimit të Pronave duke plotësuar formularin- tip dhe duke dorëzuar gjashtë dokumente. Kostoja e aplikimit është 2 mijë lekë, ndërsa afati i shqyrtimit të kërkesës është 90 ditë. Grupi i punës, brenda 60 ditëve nga pranimi i kërkesës verifikon dokumentet, ndërsa drejtoresha e Agjencisë së Trajtimit të Pronave, brenda 30 ditëve nga verifikimi firmos pagesat.

Procesi i regjistrimit apo pranimit të kërkesave për kompensim fillon 5 ditë pas datës së njoftimit publik. Me urdhër të drejtorit të Përgjithshëm të ATP- së ngrihet grupi i punës për pranimin dhe shqyrtimin e kërkesave, me objekt shpërblimin e pronarëve të pasurive të paluajtshme, pronë private që preken nga ndërtimet informale, dhe shpërndarjen e fondit përkatës. Grupi i punës, brenda 60 ditëve nga data e para- qitjes së kërkesës për kompensimin e pronës, kryen verifikimet e duhura. Drejtori i Përgjithshëm i ATP- së, brenda 30 ditëve nga data e përfundimit të procesit të verifikimit nga grupi i punës, nxjerr vendimin me emrat e subjekteve që përfitojnë nga kompensimi dhe urdhëron publikimin e listës së subjekteve që kompensohen. Gjithashtu, ai njofton edhe aplikantët që nuk përfshihen në listën e subjekteve që kompensohen, duke përcaktuar arsyet e mospërfshirjes. Kërkesa- tip që i vihet në dispozicion nga grupi i punës pranë ATP- së. Dëshmia e trashëgimisë për të gjithë trashëgimtarët e ligjshëm të subjektit përfitues, sipas radhës së trashëgimtarëve, në përputhje me përcaktimet e Kodit Civil. Prokura e posaçme, e nënshkruar nga të gjitha subjektet që përfitojnë kompensim, ku si tagër i nevojshëm të jetë edhe e drejta për të tërhequr vlerën financiare në emër të tyre. Vërtetimi origjinal i lëshuar nga një bankë e nivelit të dytë për hapjen e llogarisë bankare dhe IBAN- i përkatës. Fotokopja e dokumentit të identifikimit. Certifikata familjare e kërkuesit/ aplikuesit. Mandatpagesa për shumën 2.000 lekë për çdo aplikim të veçantë.