Provimi i shtetit, lista me 350 teknikë imazherie e laboratori
Sezoni i majit/ Rregullorja, ja dokumentet që duhet të keni ditën e testimit AKP: Data dhe ora e testimit sipas emrave
Agjencia Kombëtare e Provimeve ka përcaktuar datën dhe orën në të cilat do të zhvillohet provimi i shtetit për teknikët e imazherisë dhe të laboratorit. Sipas kalendarit, këta profesionistë do t'i nënshtrohen testit në datat 8 dhe 9 maj, ndërkohë që "GSH" publikon listën e plotë sipas orarit për rreth 350 imazheristë dhe teknikë laboratori. Provimi i shtetit do të zhvillohet në godinën e Agjencisë Kombëtare të Provimeve, ndërkohë që sipas rregullores, kandidati duhet të paraqitet në AKP 30 minuta para fillimit të tij. Ditën e provimit ai duhet të jetë i pajisur me: letërnjoftim origjinal ( kartë ID ose pasaportë), kopje të kartës ID ose pasaportës dhe faturën e pagesës së tarifës së provimit të shtetit për llogari të AKP- së në një bankë të nivelit të dytë apo postë, sipas faturës për arkëtim të publikuar në faqen zyrtare të AKP- së sipas herës së pjesëmarrjes. Nëse kandidati futet për herë të parë në provim, do të duhet të paguajnë 10 mijë lekë, ndërkohë që për çdo herë që ka rezultuar mbetës faturës i shtohet 2500 lekë. Ndërkaq, në rast ndryshimi të mbiemrit, kandidati duhet të paraqesë certi- fikatën përkatëse që vërteton këtë ndryshim. Të gjitha profesionet e rregulluara të mjekut, farmacistit, stomatologut, infermierit, mamisë, fizioterapistit, logopedistit, teknikut të imazherisë dhe teknikut të laboratorit që përfundojnë studimet, duhet t'i nënshtrohen provimit të shtetit, dhe vetëm nëse e kalojnë atë me sukses fitojnë të drejtën për ushtrimin e profesionit. Sipas legjislacionit në fuqi, ata kanë të drejtë deri në 5 herë ta japin këtë provim dhe, në rast se nuk e kalojnë atë, humbasin përfundimisht të drejtën për të punuar në profesionin e tyre.
DATA DHE ORA E PROVIMIT TË SHTETIT PËR TEKNIKËT E IMAZHERISË DHE TEKNIKËT E LABORATORIT