Shkelja 1 mln dollarë, në prokurori kryetarja e Bashkisë së Sarandës
KLSH: Të paditur, Eneron Gjoni, drejtori i KVO dhe Teuta Stroka, anëtare e komisionit Pagoi për punë të pakryera, dëmi 64. 4 milionë lekë
Kontrolli i Lartë i Sh tetit ka kallëzuar sot në prokurori kryetaren e Bashkisë së Sarandës Floriana Koka, ishdrejtorin e Shërbimeve Publike, 3 anëtarë të Komisionit të Vlerësimit të Ofertave ( KVO) dhe 2 mbikëqyrës punimesh. Dëmi ekonomik është 129.4 milion lekë.
SHKELJET
Kryetarja e Bashkisë së Sarandës si edhe pesë punonjës të këtij institucioni, në shkelje të ligjit, kanë shkaktuar një dëm prej 129.4 mln lekësh. Pas auditimit të KLSH rezulton se Kryetarja Floriana Koka, në cilësinë e titullarit të autoritetit kontraktor ka bërë likuidime pagesash në shkelje të ligjit për investime të pakryera, pra punime fiktive në vlerën e 64.4 mln lekëve. Investimet e situacionuara u takojnë dy objekteve të prokurimit për zëvendësimin e tubacionit të ujësjellësit në stacionin e Vrionit me vlerë 34 mln lekë dhe përmirësimin e rrjetit të ujërave të zeza në zonën e Hotel Butrintit deri te Kanali i Çukës në vlerën 30 mln lekë, para të likuiduar pesë ditë pas lidhjes së kontratës. Ish- drejtori i Shërbimeve Publike, Pëllumb Halimi, prej 6 muajsh në pension, gjatë kohës kur mbante këtë detyrë konstatohet se ka shkelur procedurat dhe ligjin për marrjen në dorëzim të punimeve të pakryera me dëm ekonomik 50.0 mln lekë. Të paditur janë edhe Eneron Gjoni, drejtori Juridik në cilësinë e Kryetarit të Komisionit të Vlerësimit të Ofertave dhe Teuta Stroka me detyrë drejtore Ekonomike në cilësinë e anëtarit të Komisionit të Vlerësimit të Ofertave. Në 3 procedurat e prokurimit publik këta zyrtarë kanë shpallur fitues Operatorët Ekonomikë, të cilët nuk plotësojnë kriteret për kualifikim, duke sjell një dëm ekonomik prej 481 mln lekë. Investimet e situacionuara u takojnë dy objekteve të prokurimit për zëvendësimin e tubacionit të ujësjellësit në stacionin e Vrionit me vlerë 34 mln lekë dhe përmirësimin e rrjetit të ujërave të zeza në zonën e hotel “Butrintit” deri te Kanali i Çukës në vlerën 30 mln lekë, para të likuiduar pesë ditë pas lidhjes së kontratës.