Basha me aleatët: Rama refuzoi shtyrjen e zgjedhjeve
Prapaskenat e negociatave, si e rrëzoi Rama marrëveshjen me PD- në Opozita, dakord për vetingun dhe paketën "McAllister+"
Mazhoranca dhe opozita as dje nuk mundën të gjejnë dakordësinë mes tyre për zgjidhjen e krizës politike. Çështja e shtyrjes së zgjedhjeve dhe lëshimet mbi të duken se kanë rikthyer palët në pozicionet e mëparshme. Kreu i PD- së, Lulzim Basha, takoi dje tri herë aleatët dhe dy herë edhe ishkryetarin Sali Berisha. Z. Basha nuk foli në çadrën e protestës në bulevard, ndërsa shtyu mbledhjen e kryesisë dhe grupit parlamentar. Një ditë pas takimeve me zyrtarin e lartë të DASH, Hoyt Brian Yee, mazhoranca dhe opozita tentuan një tjetër raund negociatash për daljen nga kriza, por dështuan në gjetjen e një zgjidhjeje të përbashkët. Ajo që u duk si shpresë për zgjidhjen e krizës politike është shuar. Edhe pse e djeshmja ishte një ditë e ngjeshur takimesh, nuk ka asnjë marrëveshje mes palëve politike dhe shkak mendohet se është bërë data e zgjedhjeve, për të cilën nuk është rënë dakord. Sipas burimeve pranë të dy kampeve, kryetari i PD- së, Lulzim Basha pas angazhimit në takimin me Hoyt Brian Yee, iu rikthye paketës "McAllister". Burimet thanë se ai kishte përpiluar një listë me pika, ku palët mund të gjenin marrëveshje. Kjo do të konsiderohej edhe përgjigjja e tij për këtë paketë. Mësohet se kreu i opozitës, Basha pas takimit me aleatët, ia ka dorëzuar përgjigjen e tij Ramës që në orën 12.00, duke i lënë afat kryeministrit deri në orën 16.00 të kthente një përgjigje. Mësohet se kreu i qeverisë është përgjigjur rreth orës 19.00 duke e refuzuar paketën "McAllister". Madje, Rama ka bërë një hap pas edhe në gjëra që ai i ka pranuar më herët, siç ishte zgjedhja e një zv. kryeministri të propozuar nga opozita. Rama ka hedhur poshtë çdo mundësi të shtyrjes së datës së zgjedhjeve, duke mbështetur vetëm 18 qershorin. Ai ka ofruar vetëm 2 ministra pa portofol në qeveri. Konkretisht, Rama ka hequr dorë nga postet ministrore, që do t'i jepeshin opozitën sipas paketës "McAllister", të pranuar edhe nga zv. ndihmës sekretari amerikan i Shtetit, Hoyt Brian Yee. Rama është dakord që opozitës t'i jepet vetëm posti i ministrit të Arsimit dhe e drejta për të emëruar drejtorët e policisë nëpër qarqe dhe asgjë më tepër. Pra, paketa "McAllister" me ndryshimet përkatëse, e mbështetur nga zyrtari i DASH, Yee, është rrëzuar pothuajse tërësisht nga kryeministri. Nga ana tjetër, kryetari i PD, Lulzim Basha dhe partitë opozitare e kanë pranuar Pas takimit të dytë me z. Berisha, gazetarët e pyetën z. Bashën se çfarë diskutuan dhe nëse do të pranojë paketën “McAllister”. Por në mungesë të përgjigjes, kreu i PD- së bëri batutën: “Makarona me sallatë domate dhe qershi në fund”.
paketën "McAllister" të mbështetur nga Yee dhe janë shprehur të gatshëm të votojnë vetingun. Në të tilla kushte refuzimi nga kryeministri Rama duket se opozita do të vazhdojë të qëndrojë në "çadrën e lirisë". Pikërisht për të informuar rreth përgjigjes së kryeministrit, z. Basha mblodhi mbrëmë aleatët për herë të tretë brenda ditës. Takimi zgjati vetëm 20 minuta dhe ishte informues.
Burime brenda takimit bëjnë me dije se Basha u ka thënë aleatëve se Rama është tërhequr nga paketa e "McAllisër", ndërsa nuk tërhiqet nga 18 qershori, si datë për mbajtjen e zgjedhjeve. Sipas Partisë Demokratike, Basha ka pranuar paketën "McAllister", duke hequr dorë në një farë mënyre nga kërkesat e saj ekstreme për dorëheqje të Ramës dhe krijimin e qeverisë teknike. Më herët u më-
sua se kryeministri Rama ka propozuar si datë të zgjedhjes periudhën nga 18 qershori deri në 23 korrik, brenda kornizës kushtetuese, por opozita ka kërkuar shtyrje të zgjedhjeve deri në vjeshtë. Rihapja e diskutimit për paketën "McAllister" erdhi pas takimeve që pati zyrtari i lartë i DASH me kryeministrin Rama dhe kreun e PD, Lulzim Basha. Tashmë pritet reagimi SHBA- ve
nëpërmjet ambasadorit Donald Lu. Pas dështimit të negociatave mes palëve politike, duket se skenari i PDsë nuk do të ndryshojë. Burimet brenda PD- së pohojnë se opozita do të vijojë të qëndrojë në çadër duke protestuar. Sipas burimeve, ky vendim është marrë në mbledhjen e djeshme të Bashës me aleatët. Në këto kushte, opozita do të vijojë protestën.