Reagimi i spitalit privat: Blerta ndërroi jetë nga Hipertemia Malinje
"Continental" nuk tregon nëse iu injektua "Dantrolen"
Spitali
privat "Continental" reagoi dje për rastin e vdekjes së pacientes 16- vjeçare Blerta Pepa. Në reagimin zyrtar thuhet se vdekja e pacientes ka ndodhur si pasojë e një komplikacioni të rrallë dhe jo prej mbidozës së anestezisë, apo ndonjë gabimi njerëzor, por se shkak ka qenë Hipertermia Maligna. Ndërkaq, në reagim nuk thuhet nëse në këtë spital ndodhej ilaçi "Dantrolen", të cilat u injektohen pacientëve për të shmangur vdekjen e tyre në këto raste. Po ashtu, mësohet se në spitalin shtetëror, ky lloj ilaçi ka munguar në rastin e Denisit, ndërsa në spitalet private ky medikament nuk duhet të mungojë, duke qenë se pagesat që bëjnë pacientët janë më të larta.
Duke i shprehur ngushëllime familjes së vajzës, spitali shkruan: "Më datë 15.05.2017, rreth orës 24: 00, pas një beteje të gjatë me një nga komplikacionet më të rënda, shumë të rralla dhe me vdekshmëri të lartë, humbi jetën në spitalin ' Continental' pacientja Blerta Pepa. Ju bëjmë me dije se? bazuar në vlerësimin e ekspertëve tanë të anestezi- reanimacionit të cilët punojnë në spitalin ' Continental' si dhe të bashkëpunëtorëve të tyre, arritëm në përfun- dimin se komplikacioni që çoi në humbjen e jetës të pacientes sonë është hipertermia maligna". Hipertermia maligna përfaqëson një nga komplikacionet më të rënda dhe shumë të rralla që ndodh gjatë anestezisë. Ajo vjen si pasojë e një defekti gjenetik dhe që është e pamundur të zbulohet me anë të ekzaminimeve standarde apo të posaçme të kryera para operacionit. Hipertermia maligna vjen nga çlirimi masiv i energjive termike nga muskujt, si pasojë e aplikimit të substancave anestetike. "Dëshirojmë të sqarojmë opinionin publik, se protokollet e anestezisë të aplikuara në spitalin ' Continental' në këtë rast janë të njëjta me ato të vendeve të BE- së. Gjithashtu sigurojmë se niveli profesional i anestezistëve të spitalit tonë është tejet i lartë, dhe veçanërisht i mjekut që u përball me këtë komplikacion të rrallë, i cili e ka trajtuar atë me profesionalizëm të lartë dhe devotshmëri në një afat kohor prej disa orësh", shkruhet më tej në reagim. Kujtojmë këtu se nga i njëjti komplikacion vdiq përpara 5 vitesh Denis Almadhi, i cili në ndryshim nga Blerta Pepa që po kryente një operacion në gju, po e kryente atë në sy.